Одатий ҳаракатлар кўпинча автоматик равишда, уларга эътибор бермасдан амалга оширилади. Дазмолни ўчиришни унутиб қўйиш — бу сизни ишга борганингизда таъқиб қиладиган энг ёмон вазиятлардан бири ҳисобланади. Ҳақиқатан ҳам дазмолни ўчиришни унутиб қўйиш мумкин, айниқса шошилинч равишда кўчага чиқишдан олдин кийимингизни дазмоллашингиз мумкин бўлганда бу ҳолат юз бериши мумкин. «Горяшая изба» нашри дазмолни ўчиришни унутиб қўймасликка ёрдам берувчи лайфхакларни тақдим этди.
Телефонингизда ўчирилган дазмолни суратга олинг
Дазмол, печ ёки қулфланган эшикни суратга олишни одатга айлантиринг. Агар бу ишни унутиб қўйсангиз ҳам телефон шубҳасиз далилларни сақлайди. Муҳими сана ва вақтни ёзиб қўйинг. Агар суратга олиш зерикарли бўлса, сизга керак бўлган ҳамма нарсаларнинг ўчирилгани ва ёпилгани акс этган батафсил ҳикоя билан видео хабарларни ёзиб олишингиз мумкин.
Бошқа ишга эътибор қаратинг
Дазмолнинг вилкасини розеткадан чиқариб олинг ва шу вақтда бошқа ишларни бажаринг. Ностандарт ҳаракат диққатни маълум бир дақиқага қаратади. Шундан кейин дазмолни ўчириб қўйганингизни унутмайсиз. Усул самарали бўлиши учун ишларни вақти-вақти билан ўзгартирган маъқул.
Эслатма плакатини осиб қўйинг
Уйдан чиқишдан олдин бажаришингиз керак бўлган барча вазифалар рўйхатини ёзинг: дазмолни, чироқларни ўчиринг, сувни текширинг. Уни кўп кўзингиз тушадиган жойга жойлаштиринг. Масалан, олд эшикка осиб қўйинг. Плакат қанчалик ёрқин бўлса, шунча яхши. Ҳар бир ҳаракат учун белги ва имзо қўйиш мумкин. Бу қўшимча эътибор талаб қилади ва шу билан бирга ҳамма нарсани ўчирганингизни эслашга ёрдам беради.
Мавзуга доир:
- Дазмол тозалашдан сутни узоқ сақлашгача: оддий туздан унумли фойдаланиш учун 12 та лайфхак.
- Кийимдаги дазмол изларидан қандай қутулиш мумкин? Уй шароитида синалган энг яхши усуллар.
- Дазмол бўлмаганда кийим текислаш учун асқатадиган бир нечта усуллар.
- Дазмол қилишда энг кўп йўл қўйиладиган хатолар ва улардан қочишнинг 9 усули.
Изоҳ (0)