Тошкентда «Заковат-Гамбит» халқаро шахмат мусобақаси якунланди. 30 октябрь куни мусобақа ғолибларини тантанали тақдирлаш маросими ташкил этилди, деб хабар бермоқда «Дарё» мухбири.
Маросимни Миллий масс-медиани қўллаб-қувватлаш ва ривожлантириш жамоат фонди Васийлик Кенгаши раисининг ўринбосари Саида Мирзиёева кириш сўзи билан очиб берди.
«Бундан бир йил аввал, илк бор «Заковат-Гамбит» мусобақаси ўтказилганида, орзумиз рўёбга чиқиши учун замин яралди – биз жаҳоннинг Шахмат пойтахтига айланишни ният қилдик. Шахматда етакчи бўлишни мақсад қилдик!Тадбирда, шунингдек, Ўзбекистон Президенти Администрацияси раҳбарининг ўринбосари Комил Алламжонов ҳам иштирок этиб, нутқ сўзлади.Шахматчиларимиз бу йил орзумиз томон улкан қадам қўйдилар – Ўзбекистон тарихда илк маротаба шахмат бўйича етакчи 20 давлат қаторига кирди!
Ҳайратга лойиқ томони шундаки, биз бунга ёшларимиз, ёш гроссмейстерларимиз сабабли эришдик!
Бу ғалабани бутун дунё кузатди, халқаро шахмат ҳамжамияти йигит-қизларимизни олқишлади! Бир пайтлар энг кучли шахматчиларни бошқа давлатлардан таклиф қилардик. Энди эса, ўзимиз жаҳоннинг энг олди қаторидамиз»— дейди Саида Мирзиёева.
«Бу йил ушбу мусобақаларга чет эллик шахмат усталарини таклиф этмадик. Сабаби бу йил чемпионлар ўзимиздан. Дунё тан олган шахмат чемпионлари ўзимизнинг йигитлар. Улар ўзбекистонликлар ва ўзбек ёшлари. Заковатли ёшларимиз ҳеч қачон ўз олдиларига қўйган мақсад, ният ва орзуларига эриша оламанми, йўқми, осонми ёки қийинми деб шубҳа қилмаслиги керак. Мана бизнинг йигитларимиз ўз меҳнати билан ҳаракат қилиб, дунёнинг манаман деган етакчи шахмат усталари билан тенглаша оляпти. Ҳақиқатда ҳам заковатда куч, ҳақиқатда ҳам Ўзбекистон ёшлари куч, Ўзбекистон ҳақиқий куч!»— дейди Комил Алламжонов.
Ўйиннинг «А» гуруҳ натижаларига кўра қуйидаги иштирокчилар ғолиб бўлди:
1-ўрин - Жавоҳир Синдоров;
2-ўрин - Жаҳонгир Воҳидов;
3-ўрин - Муҳиддин Мадаминов.
9 турда давом этган «Б» гуруҳи финали якунида эса қуйидаги иштирокчилар ғолиб бўлди:
1-ўрин - Ҳумоюн Бегмуратов;
2-ўрин - Олег Артёменко;
3-ўрин - Далер Воҳидов.
Шунингдек, «Б» гуруҳида аёллар ўртасида энг яхши иштирокчи деб Нафиса Мўминова топилди ва 20 млн сўм билан тақдирланди.
«C» гуруҳи финалининг ғолиблари аниқланди:
1-ўрин - Афруза Ҳамдамова;
2-ўрин - Асроржон Омонов;
3-ўрин - Миразиз Кузиев.
Шунингдек, «C» гуруҳида аёллар ўртасида энг яхши иштирокчи деб Умида Омонова топилди ва 20 млн сўм билан тақдирланди.
«Д» гуруҳи финали якунида қуйидаги иштирокчилар ғолиб бўлди:
1-ўрин - Исломбек Синдоров;
2-ўрин - Темур Шерназаров;
3-ўрин - Акбарали Абдуҳакимов.
Шунингдек, «Д» гуруҳида аёллар ўртасида энг яхши иштирокчи деб Барчиной Шокиржонова топилди ва 20 млн сўм билан тақдирланадиган бўлди.
9 турда давом этган «Э» гуруҳи финали натижаларига кўра:
1-ўрин - Мадинабону Ҳалилова;
2-ўрин - Абдумажид Ботиралиев;
3-ўрин - Абдумалик Ҳалилов.
Шунингдек, «Э» гуруҳида аёллар ўртасида энг яхши иштирокчи деб Нилуфархон Имомкузиева топилди ва 20 млн сўм билан тақдирланди.
Бундан ташқари, турнирнинг энг ёши катта иштирокчиси Расет Зиатдинов ҳамда энг ёши кичик иштирокчиси Орият Обиджоновлар 10 млн сўм билан тақдирланди.
Шунингдек, «Заковат-Гамбит» турнирида фаол қатнашган аёл иштирокчилар - Нилуфархон Имомқўзиева, Барчиной Шокиржонова, Умида Омонова ва Нафиса Мўминовалар ҳам тақдирланди.
Ғолиблар қуйидаги миқдорда мукофотланди:
1-ўрин - 50 миллион сўм;
2-ўрин - 30 миллион сўм;
3-ўрин - 20 миллион сўм.
Изоҳ (0)