Uzbekistan Airways Фарғонадан Дубайга парвозларни йўлга қўйди

Uzbekistan Airways 30 октябрь куни Фарғона—Дубай—Фарғона йўналиши бўйича илк парвозни амалга оширди.

Авиакомпания матбуот хизматининг хабар қилишича, шу куни Airbus 320 самолёти 135 нафар  йўловчини Дубай халқаро аэропортига етказиб қўйди. Фарғона —Дубай—Фарғона янги халқаро йўналиши бўйича парвозлар ҳафтада икки марта — якшанба ва сешанба кунлари амалга оширилади.

Uzbekistan Airways ушбу йўналиш парвозларни йўлга қўйгани билан бир қаторда, бугунги кунда авиакомпания ҳафтасига 7 марта Тошкентдан Дубайга мунтазам қатновларни амалга оширмоқда. Шунингдек, 31 октябрдан бошлаб авиакомпания Тошкент—​​Шаржа—Тошкент йўналиши бўйича тўғридан-тўғри мунтазам қатновлар сонини ҳафтасига 3 мартагача кўпайтиради. Парвозлар душанба, пайшанба ва шанба кунлари амалга оширилади.

Мавзуга доир: Фото: Дубай—Наманган—Дубай йўналишида мунтазам авиақатновлар йўлга қўйилди