Футбол бўйича Испания Ла Лигасининг 12-турида «Барселона» 29 октябрь, шанба куни «Валенсия» меҳмони бўлди.
Учрашувда каталонияликлар устунлик қилган бўлса-да, 90 дақиқа давомида дарвозалар дахлсизлиги сақланиб қолди. Бироқ ҳакам қўшиб берган дақиқаларда Роберт Левандовски гол уриб, «кўк-анорранглилар»га ғалаба тақдим этди.
Шу тариқа «Барселона» очколари сонини 31 тага етказди ва мусобақа пешқадамлигини қўлга олди. «Кўршапалаклар» эса 15 очко жамғарган ҳолда 10-поғонадан жой олди.
Ла Лига
12-тур баҳси
29 октябрь, шанба
«Валенсия» — «Барселона» 0:1
Гол: 0:1 – 90+3 Левандовски.«Валенсия»: Мамардашвили, Терри Коррейя (Хесус Васкес, 80), Габриэль Паулиста, Жемерт, Гайя, Фулке, Гилямон, Алмейда (Тони Лато, 72), Кавани (Маркос Андре, 18), Клюйверт (Кастилехо, 72), Лино.
«Барселона»: тер Стеген, Бальде, Кунде (Пике, 74), Эрик Гарсия (Алонсо, 42), Альба, Бускетс (Гави, 56), де Йонг, Педри, Левандовски, Дембеле (Ферран Торрес, 56), Фати (Рафинья, 57).
Огоҳлантиришлар: Эрик Гарсия (21), Алонсо (45), Лино (67), Гилямон (84), Гави (89), Пике (90), Кастилехо (90), Фулке (90), Ферран Торрес (90)..
Изоҳ (0)