Чехиянинг Прага ва Брно шаҳарларида минглаб намойишчилар ҳукуматнинг Россияга қарши ва иқтисодий сиёсатидан норози бўлди ҳамда ҳукуматни истеъфога чиқишга чақирди. Бу ҳақда Anadolu агентлиги хабар бермоқда.
Прагадаги Вацлав майдонига йиғилган намойишчилар Чехия байроқлари билан бирга, урушга қарши позицияни англатувчи «шаффоф байроқлар» ҳам кўтариб олганди.
Мухолифатчи партиялар раҳбарлиги остида бўлиб ўтган намойишлар иштирокчилари яшаш нархининг ўсиши, ҳукуматнинг украинпараст позицияси ва Евроиттифоқнинг Москвага нисбатан санкцияларига қарши чиқди.
Намойишчилар мамлакатнинг беш партияли коалиция ҳукумати истеъфосини ҳамда «Россияни душман деб ҳисобламаслик ва урушни аланга олдиришни тўхтатиш»ни талаб қилди.
Чехияда ҳукуматга қарши кўп кишилик намойишлар сўнгги икки ой ичида учинчи марта бўлиб ўтди. Норозилик акцияси пойтахтдан бошқа шаҳарларга ҳам тарқалди ва уларда ўртача 70 минг киши қатнашди.
Чехия бош вазири Пётр Фиала намойишлар фуқароларнинг демократик ҳуқуқи эканини айтди.
У мамлакат аҳолисини ушбу норозиликлар нимага хизмат қилиши борасида эҳтиёт бўлишга чақирди.
Изоҳ (1)
Намойишга чикишса, бирданига россияпарастга айланади. Улар россияпараст эмас, кишда совук отишдан, нархларнинг кимматлашишидан ва негатив узгаришлардан норози. Хаммасига сабаб эса, Гарбнинг санкциядари, санкциялар узларига карши булиб колмокда!!!