Февраль ойининг охиридан сентябр ойининг охиригача Россиянинг 700 га яқин компанияси БААда ўз филиалларини очди. Бу ҳақда «Деловая Россия»нинг БААдаги бизнес элчиси Максим Загорнов «Известия» нашрига маълум қилди.
Унинг сўзларига кўра, ўтган йилдан буён бундай компаниялар сони етти бараваргача кўпайган.
Компанияларнинг аксарияти кичик ва ўрта бизнес вакиллари ҳисобланади. Бироқ кейинчалик йирик корпорациялар ҳам ўз ваколатхоналарини очиши кутилмоқда.
Россия Савдо-саноат палатаси БААдаги филиаллар асосан IT-компаниялар эканлигини маълум қилган.
Гонконгда ҳам февраль ойи охиридан бери Россия билан алоқадор компаниялар сони деярли уч баробарга ошган.
Шу билан бирга, шаҳарда Россия капиталининг кескин пасайиши қайд этилган ва россияликлар банк хизматларидан фойдаланиш билан боғлиқ муаммолардан шикоят қилмоқда.
Аввалроқ Ўзбекистонда хорижий IT компаниялар сони кескин кўпаётгани ҳақида хабар берилган эди.
Изоҳ (0)