Ўзбекистон ичида 2022 йилнинг учинчи чорагида юк ташишга бўлган талаб икки баробарга, мамлакат ташқарисига ташишга бўлган талаб эса 1,5 баробарга ўсди. Бу ҳақда «Дарё»га «АТИ.СУ» халқаро юк ташиши биржаси хабар бермоқда.
Жорий йилнинг октябрь ойида Ўзбекистон юк ташувчилари ва юк жўнатувчилари «АТИ.СУ» халқаро юк ташиш биржасига тўғридан-тўғри кириш имкониятига эга бўлди.
Бу МДҲ даги товарларни етказиб бериш учун буюртмаларни жойлаштириш бўйича энг йирик онлайн платформалардан бири ҳисобланади.
Ўзбек бизнесидан автомобиль транспортида юкларни ташишга талаб ортиб бораётгани фонида компания Тошкентда ўз ваколатхонасини очди.
«АТИ.СУ» халқаро юк биржаси онлайн-хизмати маълумотларига кўра, Ўзбекистон автомобиль транспортида юк ташиш бозори жадал ривожланмоқда.
2022 йилнинг учинчи чорагида биржа ўтган йилнинг шу даврига нисбатан қуйидаги кўрсаткичларни қайд этди:
- Ўзбекистон ичида юк ташиш учун мурожаатлар сони икки баравар кўпайди;
- экспорт йўналишлари бўйича юк ташиш учун аризалар сони 145% га ўсди;
- Ўзбекистондан Россияга юк ташиш учун бўлган талаб 2,6 баробар ошди.
Шунингдек, Арманистон, Молдова, Қирғизистон, Беларусь, Мўғулистон ва Қозоғистонга товарлар етказиб бериш бўйича аризалар сонининг кўпайиши қайд этилди.
Бошқа давлатлардан Ўзбекистонга юк ташишга бўлган талаб 49 фоизга ошди.
Мурожаатларнинг аксарияти Россия, Беларусь, Қозоғистон, Польша, Германия, Хитой ва Туркиядан товарларни етказиб бериш бўлмоқда.
Таъкидланишича, Ўзбекистон компаниялари глобал омиллар таъсирида жараёнларни қайта қуриш заруратига дуч келган.
Масалан, Россия ва Белорусдан юк машиналарининг Европа Иттифоқига киришига қўйилган тақиқ буюртмачиларни Европага рейсларни амалга ошириш учун янги ҳамкорлар излашга мажбур қилди.
Изоҳ (0)