Шавкат Мирзиёев Қозоғистон президенти Қосим-Жўмарт Тўқаевга ушбу мамлакатнинг миллий байрами — Республика куни муносабати билан табрик йўллади. Бу ҳақда президент матбуот хизмати хабар берди.
Қайд этилишича, давлат раҳбари ўзбекистонликлар қардош Қозоғистон халқининг қувончига самимий шерик эканини таъкидлаб, ҳамкасбига мустаҳкам саломатлик, масъулиятли давлатчилик фаолиятида улкан муваффақиятлар, Қозоғистон халқига эса фаровонлик, бахт-у саодат ва доимий равнақ тилади.
Маълумот ўрнида, бугун, 25 октябрь куни Қозоғистонда 13 йилдан буён биринчи марта Республика куни нишонланмоқда. Байрам 2009 йилда бекор қилинганди, бироқ бу йил президент Қосим-Жўмарт Тўқаев ташаббуси билан унга миллий байрам мақоми қайтариб берилди.
Остонада ва бошқа йирик шаҳарларда тантанали ва кўнгилочар тадбирлар ўтказилмоқда, кечқурун эса пойтахтда байрам мушакбозлиги бўлиб ўтади. Эрталаб давлат раҳбари қароргоҳи ёнида давлат байроғини кўтариш маросими ўтказилди.
2022 йил июлида Миллий қурултой мажлисида Тўқаев миллий байрамлар рўйхатига бир қатор ўзгартиришлар киритиш вақти келганини айтганди.
Мавзуга доир: Шавкат Мирзиёев 27 октябрь куни Қозоғистонга боради
Изоҳ (0)