Самарқанд вилояти Жомбой туманида 8 октябрь куни уйида гиёҳвандлик моддасини сақлаб келаётган шахс қўлга олинди. Бу ҳақда вилоят Ички ишлар бошқармаси хабар қилди.
Қайд этилишича, шу куни туман ИИБ ходимлари тезкор тадбир ўтказган. Унда «Журият» маҳалласида яшовчи фуқаро хонадонининг томорқасида икки туп яшил рангли, ўткир ҳидли марихуана гиёҳвандлик ўсимлик етиштириб келаётгани аниқланган.
Тадбир давом эттирилиб, фуқаронинг яшаш уйи кўздан кечирилган. Натижада у ерда қуритилган ҳолда бўлган 635 туп қуритилган ҳолдаги марихуана ўсимлигининг пояси ва иккита қопда гиёҳвандлик ўсимликлари топилиб, тегишли тартибда ҳужжатлаштириб олинган.
Ҳолат юзасидан 49 ёшли фуқарога нисбатан Жомбой тумани ИИБ тергов бўлими томонидан суриштирув ҳаракатлари олиб борилмоқда.
Изоҳ (0)