Курск маъмурияти вилоят марказлари ўққа тутилиш эҳтимоли сабабли хандақлар тайёрлашга чақирди

Курск вилояти ҳудудий хавфсизлик қўмитаси раҳбари Михаил Горбунов қишлоқ аҳоли пунктлари ва вилоят марказларида ўққа тутилган тақдирда бошпана қуриш зарурлигини маълум қилди, деб ёзади Meduza.

«Одамлар фелдшер-акушерлик пунктлари, почта бўлимлари, банклар, дўконларга ташриф буюрадиган ҳудудларга келсак, уларда ертўлалар йўқ. Яқин атрофда бошпана бўлиши зарур. Бошланғич бошпана бу — қазилган хандақ. Уларни жиҳозланг. Биз бу ҳақда аллақачон гаплашганмиз. Биз сизга намуналар, фотосуратлар юборамиз, уларни қазиш қийин эмас, деворларини жиҳозланг, одамлар яшириши учун чодирлар билан ёпинг. Чунки биздаги пунктлар енгил конструкциядан иборат. Буларнинг барчаси парчалар орқали тикилади. У ерда яшириниб бўлмайди, — деди Горбунов.

Шунингдек, қўмита раҳбари «ерости маконининг кўмилган хоналари»ни тозалаш ишлари тўғрисида ҳисобот берди. Унга кўра, бир ярим миллионгача одам Курск вилоятининг ертўлалари ва шунга ўхшаш биноларида яшириниши мумкин.

Бундан ташқари, губернатор Роман Старовойт минтақанинг асосий магистраллари ва чегара ҳудудларида назорат кучайтирилганини, жумладан Курск атом электр станцияси жойлашган Курчатов шаҳрида хавфсизлик чоралари кучайтирилганини маълум қилди.