Футбол бўйича Италия А Сериясининг 11-туридан ўрин олган қатор учрашувлар 23 октябрь, якшанба куни бўлиб ўтди.
«Рома» ўз уйида «Наполи»ни қабул қилди. Учрашувнинг биринчи бўлимида дарвозалар дахлсиз қолди. Ўйинда ҳисоб 80-дақиқага келиб очилди: Виктор Осимҳен неаполликларга ғалаба олиб келган гол муаллифига айланди.
Элдор Шомуродов учрашувнинг 85-дақиқасида захирадан майдонга тушди.
Ушбу ғалаба эвазига «Наполи» очколарини 29 тага етказиб олган ҳолда мусобақа жадвалида якка пешқадам бўлиб турибди. «Рома» 22 очко билан 5-поғонада қолди.
23 октябрь кунги ўйинлардан кейин А Серия мусобақа жадвали қуйидагича кўриниш олди:
А Серия
11-тур баҳслари
23 октябрь, якшанба
«Рома» – «Наполи» 0:1
Гол: 0:1 – 80 Осимҳен.«Рома»: Руй Патрисиу, Карсдорп (Виня, 82), Смоллинг, Манчини (аш-Шаарави, 82), Рожер, Спинаццола (Шомуродов, 85), Кристанте, Пеллегрини, Камара (Матич, 82), Заниоло, Абраҳам (Белотти, 64).
«Наполи»: Мерет, Ди Лоренцо, Жезус, Ким Мин Же, Оливера, Лоботка, Зелиньски (Гаэтано, 75), Ндомбеле (Элмаз, 57), Лосано (Политано, 75), Осимҳен, Кварацхелия.
Огоҳлантиришлар: Смоллинг (22), Лосано (45), Ндомбеле (47), Кристанте (51), Рожер (74), Оливера (78), Лоботка (79).
Изоҳ (0)