Футбол бўйича Испания Ла Лигасининг 11-туридан ўрин олган икки ўйин 23 октябрь, якшанба куни бўлиб ўтди.
«Атлетико» сафарда «Бетис» билан баҳс юритди. Биринчи бўлимда ҳисоб очилмади. Иккинчи бўлим дебютида Антуан Гризманн мадридликларни олдинга олиб чиқди.
Орадан кўп ўтмай франциялик футболчи дублини нишонлади. Бунга «Бетис» 84-дақиқада Набиль Фекирнинг голи билан жавоб қайтарди.
Ушбу ғалаба эвазига «Атлетико» очколарини 23 тага етказиб олган ҳолда учинчи ўринга кўтарилди. «Бетис» 20 очко билан 5-поғонага тушиб кетди.
Ла Лига
11-тур баҳслари
23 октябрь, якшанба
«Бетис» – «Атлетико» 1:2
Голлар: 0:1 – 54 Гризманн, 0:2 – 71 Гризманн, 1:2 – 84 Фекир.«Бетис»: Руй Сильва, Сабали (Руибаль, 76), Песселя, Луис Фелипе (Руис, 20), Морено, Гуардадо (Фекир, 75), Вильям Карвалью, Родригес, Родри (Хоакин, 65), Иглесиас, Луис Энрике (Хуан Крус, 65).
«Атлетико»: Облак, Molina, Савич, Хименес, Рейнилду, Сауль (де Пауль, 86), Кондогбиа, Витцель, Корреа (Жоау Феликс, 76), Гризманн (Карраско, 76), Мората (Матеус Куня, 59).
Огоҳлантиришлар: Molina (38), Мората (57), Родригес (57), Кондогбиа (69), Руй Сильва (89).
Изоҳ (0)