Futbol bo‘yicha Italiya A Seriyasining 11-turidan o‘rin olgan qator uchrashuvlar 23-oktabr, yakshanba kuni bo‘lib o‘tdi.
“Roma” o‘z uyida “Napoli”ni qabul qildi. Uchrashuvning birinchi bo‘limida darvozalar daxlsiz qoldi. O‘yinda hisob 80-daqiqaga kelib ochildi: Viktor Osimhen neapolliklarga g‘alaba olib kelgan gol muallifiga aylandi.
Eldor Shomurodov uchrashuvning 85-daqiqasida zaxiradan maydonga tushdi.
Ushbu g‘alaba evaziga “Napoli” ochkolarini 29 taga yetkazib olgan holda musobaqa jadvalida yakka peshqadam bo‘lib turibdi. “Roma” 22 ochko bilan 5-pog‘onada qoldi.
23-oktabr kungi o‘yinlardan keyin A Seriya musobaqa jadvali quyidagicha ko‘rinish oldi:
A Seriya
11-tur bahslari
23-oktabr, yakshanba
“Roma” – “Napoli” 0:1
Gol: 0:1 – 80 Osimhen.“Roma”: Ruy Patrisiu, Karsdorp (Vinya, 82), Smolling, Manchini (ash-Shaaravi, 82), Rojer, Spinatssola (Shomurodov, 85), Kristante, Pellegrini, Kamara (Matich, 82), Zaniolo, Abraham (Belotti, 64).
“Napoli”: Meret, Di Lorenso, Jezus, Kim Min Je, Olivera, Lobotka, Zelinski (Gaetano, 75), Ndombele (Elmaz, 57), Losano (Politano, 75), Osimhen, Kvaratsxeliya.
Ogohlantirishlar: Smolling (22), Losano (45), Ndombele (47), Kristante (51), Rojer (74), Olivera (78), Lobotka (79).
Izoh (0)