Иккинчи тоифа қандли диабетга мойил бўлганлар ёки аллақачон касаллик билан яшаётганлар шакар миқдори паст бўлган парҳезга риоя қилиши жуда муҳимдир. Айтганча, қанд миқдорининг кўтарилиши ҳатто соғлом одамларнинг кайфияти ва ишлашига таъсир қилади. «Новий очаг» нашри таништириб ўтган 15 та оддий маҳсулотни нонушта, тушлик ва кечки овқатда истеъмол қилиш шакар миқдорини назорат қилишда ёрдам беради.
Баргли кўкатлар
Исмалоқ, оддий ва Хитой карами — бу рўйхатдаги ҳақиқий супер маҳсулотлар. Баргли кўкатлар ва крахмалсиз сабзавотлар ошқозонни тўқлик ҳисси билан таъминлайди, қолаверса, клетчатка кўп, калорияси кам.
Лосос балиғи
Одатда ОМЕГА-6 жуда кўп истеъмол қилинади, бу яллиғланишга олиб келиши мумкин. ОМЕГА-3 эса меъёридан кам қабул қилинади. Бунинг ажабланарли жойи йўқ, чунки айрим маҳсулотларда бу фойдали элементларнинг таркиби унчалик юқори эмас. Агар лосос балиғини топиш қийин бўлса, консерваланганига мурожаат қилиш мумкин: бу ҳафтасига 2-3 порция тўғри бўлади.
Киноа
Бир стакан пиширилган киноада 8 грамм оқсил ва 5 грамм клетчатка мавжуд. Олимлар мунтазам равишда киноа истеъмол қилинса, қонда глюкоза даражасини меъёрлаштиришга эришиш мумкинлигини аниқлади.
Брокколи
C витамини, калий ва клетчаткаларга бой маҳсулот айниқса болалар учун жуда фойдали. Уни қовуриш ёки буғда пишириб истеъмол қилиш мумкин.
Ёнғоқлар
Кечаси бир ҳовуч ёнғоқ истеъмол қилиш тунда шакар миқдорининг кўтарилишидан ва шу билан бирга даҳшатли тушлардан қутқаради. Ёнғоқнинг кунлик истеъмолини кўпайтириш учун уни барча егуликларга қўшиш мумкин.
Ёғсиз гўшт
Бунинг учун товуқ ва курка гўшти энг мақбул вариантдир. Агар қизил гўштни афзал кўрсангиз, ёғсиз қисмини танланг.
Авокадо
Ёғли нонуштани ярим бўлак авокадо билан алмаштириш тавсия этилади. Авокадо жуда мазали ва соғлом ёғларга бой, аммо уни ортиқча истеъмол қилишдан эҳтиёт бўлиш лозим.
Тухум
Тухум ҳайвон оқсилининг энг арзон манбаидир. Тухумлардан таом тайёрлаш учун жуда кўп рецептлар мавжуд. Аммо уларни кўп истеъмол қилиб бўлмайди. Олиб борилган тадқиқот шуни кўрсатдики, ҳар куни тухум истеъмол қилиш қандли диабетга чалиниш хавфини ошириши ҳам мумкин.
Гулкарам
Гулкарам жуда фойдали маҳсулот бўлиб, уни гарнир сифатида кўпроқ углеводларга эга бўлган гуруч ўрнига алмаштириш мумкин. Шу билан бирга, бир стакан гулкарамда 2 грамм клетчатка, 2 грамм оқсил ва 5 грамм углевод мавжуд.
Олма
Олмани пўсти билан истеъмол қилиш тавсия этилади, унинг пўстида кўп миқдорда клетчаткалар мавжуд, бу эса глюкоза кўтарилишининг олдини олишга ёрдам беради. Олмадан ташқари, нок, беҳи, олхўри ҳам қонда қанд миқдорини туширади.
Саримсоқ
Саримсоқ ҳам шакарда қон миқдорини туширишга ёрдам беради. Унинг ўзини истеъмол қилиш қийин бўлса, салат ёки таомларга қўшиш мумкин.
Помидор
200 грамм помидор кунлик меъёрни ташкил қилади. Ундан нонушта, тушлик ҳам кечки овқат учун ажойиб таом ва салатлар тайёрлаш мумкин. Помидор қон босимини меъёрлаштиради ва яхши холестеринни оширади. Унинг янада фойдали бўлиши учун зайтун мойида қовуриш мумкин.
Ловия
Бир стакан ловия қондаги глюкоза миқдори учун жуда фойдали. Дуккакли маҳсулотлар клетчатка ва оқсилнинг ажойиб манбаидир. Аммо консерваланган ловияларни истеъмол қилишдан олдин уни яхшилаб чайиш тавсия этилади.
Изоҳ (0)