Сенатнинг Хотин-қизлар ва гендер тенглик масалалари қўмитаси БМТТД ва Давлат божхона қўмитаси билан биргаликда хотин-қизлар ҳуқуқ ва имкониятларини кенгайтириш ҳамда давлат муассасалари ўртасида гендер тенгликни тарғиб қилиш мақсадида «Давлат муассасалари учун гендер тенгликка эришиш учун мукофот» дастурини ишга туширди.
Таъкидланишича, Ўзбекистонда амалга оширилаётган ушбу дастур Марказий Осиёдаги илк бундай дастур ҳисобланади. ДМ учун ГТЕМнинг асосий мақсади давлат сиёсатида гендер масалаларига кўпроқ эътибор қаратиш ва уни самаралироқ юритиш имконини беришдир. Мукофот давлат муассасаларига ўз салоҳиятини мустаҳкамлаш ва гендер тенгликни янада самарали ҳамда яққол таъминлаш учун чинакам ва амалий пойдевор яратиб беради.
Хусусан, Сенат раиси, Хотин-қизларнинг жамиятдаги ролини ошириш, гендер тенглик ва оила масалалари бўйича республика комиссияси раиси Танзила Норбоева ўз кириш сўзида ушбу дастурнинг амалга оширилиши давлат ташкилотлари учун гендер масалаларидан хабардорликни ошириш ва Ўзбекистонда гендер тенгликни таъминлаш бўйича Миллий стратегияни муваффақиятли амалга оширишда янги имкониятларни очиб беришини, шу жумладан давлат органлари ва ташкилотларида хизмат лавозими кўтарилишида хотин-қизлар ва эркаклар учун тенг имкониятлар яратишни, уларнинг салоҳиятини оширишни, шунингдек, иш жойида тазйиқ ва зўравонлик ҳолатларининг олди олишни таъминлайди.
БМТТДнинг Ўзбекистондаги ваколатхонаси раҳбари Матилда Димовска ҳам ушбу дастурнинг алоҳида ўрни ҳақида тўхталар экан, «Гендер тенгликка эришиш учун мукофот» халқаро сертификатини олиш бутун дунёда давлат муассаслари, уларнинг гендер тенгликка эришиш ва хотин-қизларнинг ҳуқуқ ҳамда имкониятларини кенгайтириш борасидаги интилишлари ва ҳаракатлари эътирофидир, деб таъкидлади.
Ўзбекистон Давлат божхона қўмитаси гендер тенглик бўйича сертификат олиш халқаро дастурида иштирок этиш учун Ўзбекистон томонидан танлаб олингани қайд этилди. Тадбир давомида Давлат божхона қўмитаси раисининг ўринбосари Отабек Чориев идоранинг гендер тенгликни тарғиб қилиш ва хотин-қизларнинг ҳуқуқ ҳамда имкониятларини кенгайтиришга содиқлигини айтиб, қўмита 2020 йилда «Гендер тенглик фаоли» миллий танловининг «Хотин-қизлар ҳуқуқларини ҳимоя қилувчи энг яхши ҳуқуқни муҳофаза қилувчи орган» номинациясида ғолиб бўлганини ва бугунги кунда қўмита бу борадаги ишларни изчил давом эттираётганини таъкидлади.
Бундан ташқари, БМТТД экспертлари томонидан Божхона қўмитаси бутун дунё бўйича божхона соҳасида Гендер тенгликка эришиш учун мукофотни амалга оширувчи илк идора сифатида божхона ҳамжамиятида ва давлат бошқарувининг кенгроқ глобал секторида гендер тенглик бўйича жаҳон чемпиони бўлиш учун имкониятга эга экани таъкидланди.
Тадбир сўнгида иштирокчилар гендер тенгликка эришиш бўйича янги ёндашувлар, ғоялар ва ташаббуслар юзасидан фикр алмашди, бир қатор давлат идоралари ушбу дастурда иштирок этишдан ва БРМга эришиш ҳамда Ўзбекистонда гендер тенгликка эришиш миллий стратегиясини амалга оширишга ҳисса қўшишдан манфаатдор эканини билдирди.
Изоҳ (0)