«Энг фаол маҳаллабай суғурта бўлими» акцияси ғолиби Мисрга боради

Андижонда «Энг фаол маҳаллабай суғурта агенти», «Энг фаол маҳаллабай суғурта бўлими» акцияси ғолибларини тақдирлаш тадбири бўлиб ўтди.

«Янги Ўзбекистонда эл азиз, инсон азиз» шиори остида вилоятдаги босма ва электрон ОАВ вакиллари, ахборот хизматлари раҳбарлари, блогерлар иштирокида «Ўзбекинвест» экспорт-импорт суғурта компанияси акциядорлик жамияти Андижон вилоят филиали томонидан ўтказилган тадбирда мамлакатимизда суғурта бозорини ривожлантириш, суғурта муносабатларига аҳолининг кенг қатламларини жалб этиш борасида кенг кўламли ишлар олиб борилаётгани таъкидланди.

- Филиал томонидан аҳолининг суғурта маданиятини юксалтириш, фуқаро ва хонадонларни турли қалтисликлар ҳамда бахтсиз ҳодисалардан суғурталаш ишларини оммалаштириш мақсадида ҳар чоракда акция ўтказиб борилади, - дейди «Ўзбекинвест» EISК АЖ «Суғурта агентлари ва Маҳаллабай ишлаш» бўлими катта менежери Самидулло Маҳмудов. – Акция ана шу ишларни ҳар бир хонадонда, ҳар бир маҳаллада самарали ташкил этишга, умуман, суғурта муносабатлари мазмун-моҳиятини фуқароларга кенгроқ тушунтиришга яқиндан ёрдам бермоқда.

Шунингдек, тадбирда суғурта тизими мутахассислари томонидан «Маҳаллабай ишлаш» усулининг мазмун-моҳияти, суғурта муносабатларига кенг аҳоли қатламини жалб этиш ва суғурта бозори иқтисоди шароитида аҳолини турли қалтисликлардан ишончли ҳимоя қилиш механизми эканлиги хусусида маълумотлар берилди.

Сўнгра, акция давомида самарали иш олиб бориб, «Энг фаол маҳаллабай суғурта агенти» деб топилган, суғурта агенти Дилнозахон Содиқова телевизор ва 1 миллион сўм пул мукофоти, «Энг фаол маҳаллабай суғурта бўлими» деб топилган филиалнинг Балиқчи тумани бўлими Миср давлатига икки кишилик саёҳат йўлланмаси билан тақдирланди.

- Акцияда ғолиб бўлиб, Миср давлатига саёҳатга бориш йўлланмаси билан тақдирланганимиз мустақиллик байрами олдидан бўлимга ҳақиқий байрам туҳфаси бўлди, — дейди «Ўзбекинвест» EISК АЖ Андижон вилоят филиали Балиқчи туман бўлими раҳбари Ферузахон Ваҳобова.

– Олиб борган меҳнатимиз самараси ўлароқ, энди бўлимимизнинг икки нафар энг фаол ходими Мисрга саёҳатга бориш имконига эга.

Фаолиятимиз эътирофи бизни фаол бўлишга, суғурта бозорини ривожлантириш борасида янада самара билан ишлашга ундайди.

Реклама ҳуқуқи асосида.