Ҳар қандай инсоннинг ҳаётида камида бир марта пластмасса ёки ёғоч тахтакач танлашига тўғри келиб қолиши мумкин. Улардан қайси бири қулай, гигиенага мос ёки хавфсизроқ эканини билиб қўйиш эса зарар қилмайди, деб ёзади «Новий очаг».
Пластик тахтакачлар
Яқин вақтгача пластик тахтакачлар фойдаланиш учун хавфсиз деб ҳисобланган. Бундан ташқари, ёғоч ва бамбукдан фарқли ўлароқ, пластик тахтакач идиш ювиш машинасида ювилиши мумкин. Аммо синовлар натижасида маълум бўлдики, ишлатилган пластмасса тахтакачларда ёғочларига қараганда анча кўп бактерия қолади.
Бундан ташқари, вақт ўтиши билан пичоқларда кесилган пластик тахтакачни анъанавий усуллар билан тўлиқ дезинфекциялаш мумкин эмас. Пластмасса тахтакачларнинг яна бир камчилиги шундаки, унинг энг кичик зарралари маҳсулотлар билан аралашиб кетади. Бу эса саломатлик учун хавф туғдириши мумкин.
Бамбук тахтакачлар
Бундан органик маҳсулотларни севувчилар кўпроқ фойдаланади. Бамбук экологик материал бўлиб, уни етиштириш учун ҳеч қандай ўғит ёки зарарли кимёвий моддалар талаб қилинмайди. Бамбукдан ясалган тахтакачнинг юзаси оддий ёғочга қараганда мустаҳкам ва қаттиқ бўлгани учун у намликни камроқ ютади ва гигиена учун мос ҳисобланади. Бамбукнинг камчиликлари унинг қаттиқлигидадир. У оддий чинордан деярли 20 фоизга мустаҳкамкароқ.
Бамбукдан ясалган тахтакачлар яхши вариант. Уларнинг юзаси тез ва жуда нозик нарсаларни кесиш учун мос келади. Аммо шуни ёдда тутиш керакки, тез-тез пичоқларни ўткирлаш керак.
Ёғоч тахтакачлар
Ёғоч тахтакачлар одатда чинор ёки қора қайиндан тайёрланади. Улар арзон ва кўпинча ишлаб чиқариш чиқиндиларидан тайёрланади. Дарахт ўз-ўзини даволаш хусусиятига эга ва эгилувчан материал пичоқнинг четини камроқ шикастлайди. Чинор, қора қайин ёки қайиндан ясалган ёғоч тахтакач биринчи навбатда яхши, чунки уни қайта тиклаш мумкин, шунингдек, у пластмасса каби тез қирилмайди.
Ёғоч тахтакачлар маҳсулотни кесиш учун энг яхши танловдир. Тахтакачнинг сиртини ҳимоя қилиш учун уни мунтазам равишда ҳар қандай ўсимлик мойи билан ёғлаш лозим. Лекин идиш ювиш машинасида ювиш тавсия этилайди. Тахтакач иссиқ сувда тезда қурийди ва вақт ўтиши билан унинг устида ёриқлар пайдо бўлади.
Изоҳ (0)