Андижон вилоятининг Асака туманида Lacetti ва трактор иштирокида ЙТҲ юз берди. Бу ҳақда вилоят ИИБ матбуот хизмати хабар қилди.
Ҳодиса 14 октябрь куни соат 20:30 ларда туман ҳудудидан ўтган А-373 автомобиль йўлининг 416 километрида содир бўлган. Lacetti ҳайдовчиси Х.О. (1997 йилда туғилган)ўзи билан бир йўналишда ҳаракатланиб бориб, чапга қайрилиш учун йўлнинг қатнов қисми ўртасида тўхтаб турган Т-28Х4 русумли тракторнинг орқасидан келиб урилган.
Оқибатда ҳар икки транспорт воситалари ҳайдовчилари енгил турдаги тан жароҳатлари билан касалхонага ётқизилган.
Ҳозирда ушбу ҳолат юзасидан Асака тумани ИИБ ЖХХ ЙХХБ ходимлари томонидан суриштирув ҳаракатлари олиб борилмоқда.
Изоҳ (0)