Ўзбекистонда аҳолига бир кунда ўртача қанча балиқ етказиб берилаётгани айтилди

Республика бозорларида балиқ сотишга мўлжалланган 282 та савдо нуқтаси ташкил этилган, аҳолига бир кунда ўртача 110—130 тоннагача балиқ етказиб берилмоқда. Бу ҳақда АОКАда ўтказилган брифингда «Ўзбекбалиқсаноати» уюшмаси ахборот хизмати раҳбари Зилола Рўзиева маълум қилди.

Таъкидланишича, Тошкент шаҳри ҳокимлиги томонидан 12 та деҳқон бозори ва уларнинг шохобчаларида балиқ савдосига ихтисослашган савдо нуқталари ташкил этиш учун 54 та жой ажратилган. Мазкур жойларда балиқ етиштирувчи ва қайта ишловчи хўжалик юритувчи субъектлар томонидан ўз маблағлари эвазига енгил конструкцияли замонавий кўринишга эга аквариумли савдо нуқталари ташкил этилди.

Тошкент шаҳридаги деҳқон бозорлари ва уларнинг шохобчаларида ушбу савдо жойлари орқали аҳолига бир кунда 15 тоннадан 20 тоннагача сифатли ва арзон тирик балиқ етказиб келинмоқда.

Мавзуга доир: 

• Ўзбекистон балиқ ва денгиз маҳсулотларини импорт қилишни оширди
• Ўзбекистон балиқни энг кўп қаердан сотиб олаётгани маълум қилинди
• Ўзбекистонда балиқни кооперация асосида етиштирувчилар барча солиқлардан озод қилинади