“Bavariya” Chempionlar Ligasining 4-turi doirasida kechgan “Viktoriya”ga qarshi o‘yinda 4:2 hisobida g‘alaba qozondi va muddatidan avval pley-off masalasini hal qildi.
Myunxen klubi ketma-ket 15 mavsumdan beri YCHLda guruhni muvaffaqiyatli tugatmoqda. 2007/08-yilgi mavsumda klub UEFA Kubogida o‘ynagandi.
Bu borada aktiv seriya qayd etayotgan klublar orasida faqat “Real” nemis klubidan oldinda — Madrid jamoasi ketma-ket 20 yildan beri pley-offga chiqyapti.
Nemis jamoasi 11-marta pley-off masalasini ikki tur avval hal qildi. “Bavariya” bu borada “Barselona”ni (10) ortda qoldirdi. Rekordchi “Real” hisoblanadi (12).
“Bavariya” musobaqa guruh bosqichidagi g‘alabali seriyasini 11 ta o‘yinga yetkazib, rekordli seriyasini davom ettirdi. So‘nggi bor myunxenliklar 2020-yilning 1-dekabrida “Atletiko”ga qarshi bahsda (1:1) ochko yo‘qotgandi.
Izoh (0)