Бангладешда 130 миллион одам электр энергиясиз қолди

Бангладешда юз берган қисман электр узилиши мамлакат аҳолисининг қарийб 80 фоизига таъсир кўрсатди, деб хабар бермоқда Deutsche Welle.

«Бангладеш электр тармоқлари ишламай қолди, оқибатда мамлакатнинг 75-80 фоиз қисмида электр таъминоти узилди», — деди Энергетикани ривожлантириш кенгаши вакили Шамин Ҳассан.

Электр таъминотидаги узилиш Бангладешнинг тахминан 168 миллион аҳолисидан камида 130 миллионига таъсир кўрсатган.

Bangladesh 🇧🇩

Bangladesh's national power grid has collapsed, causing a blackout for 140 million people.#Blackout https://t.co/wduREXT35T

— James Melville 🚜 (@JamesMelville) October 5, 2022

Ҳукумат маълумотларига кўра, 4 октябрь куни мамлакатда электр энергиясига бўлган энг юқори талаб прогноздан 3 фоизга ошиб кетган.

Электр узилиши сабаби номаълумлигича қолмоқда. Технологиялар вазири Зунаид Палакнинг айтишича, 22 миллиондан ортиқ аҳолига эга пойтахт Даккада электр таъминоти тикланади.

Сўнгги ойларда глобал табиий газ нархининг ўсиши Бангладешга қаттиқ таъсир кўрсатди. Мамлакатдаги электр энергиясининг деярли тўртдан уч қисми табиий газ ёрдамида ишлаб чиқарилади. Дакка электр энергиясини тежаш учун мунтазам равишда уни ўчириб туради.