Россиянинг Волгоград шаҳрида ҳужжатлари ва ойлик маошларини ололмаган ўзбекистонлик муҳожирларга ёрдам берилди.
Ташқи меҳнат миграцияси агентлигининг маълум қилишича, улар агентликнинг Волгоград шаҳридаги вакиллигига Ўзбекистон фуқаролари ҳужжатлари ва ойлик маошларини олиб берилиши бўйича мурожаат қилган. Мурожаат юзасидан иш берувчи билан музокаралар ўтказилиб, ушбу фуқароларнинг паспортлари ва 53 минг рубль ойлик маошлари ундириб берилган.
Шунингдек, Агентликнинг Волгоград шаҳридаги вакили Биково туманида ишлаётган Ўзбекистон фуқаролари билан учрашувлар ўтказган. Учрашувларда фуқароларнинг иш шароитлари ўрганилиб, миграция соҳасидаги янги қарор ва қонунчилик нормалари, чет элда меҳнат қилиш учун яратилаётган шароит ва қулайликлар тўғрисида маълумотлар берилди.
Шу билан биргаликда, Россиянинг ички ва ташқи сиёсатига аралашмаслик, ноқонуний ҳаракатлар ва митингларда қатнашиш қандай оқибатларга олиб келиши мумкинлиги тушунтирилган.
Изоҳ (0)