Тошкент шаҳрининг Янгиҳаёт туманида биринчи тез тиббий ёрдам бўлими иш бошлади. Бу ҳақда Янгиҳаёт тумани ҳокимлиги ахборот хизмати «Дарё»га маълум қилди.
Маълум қилинишича, бунга қадар туманда тез тиббий ёрдам бўлими бўлмаган. Чақирувларга шаҳардаги бошқа туман тез тиббий ёрдам бўлимларидан кўмак бериб турилган.
«Туман тез тиббий ёрдам бўлими интернет, телефон ва радиоалоқа тизимлари билан таъминланган. Ҳажми жиҳатдан шаҳардаги энг катта тез тиббий ёрдам станцияларидан бири ҳисобланади», — дейилади ҳокимлик ахборотида.
Тез тиббий ёрдам бўлимига 11 та тез тиббий ёрдам машинаси топширилган. Шунингдек, туманга ажратилган 1 миллиард сўм маблағ эвазига 2 та Volkswagen русумли тез тиббий ёрдам машинаси харид қилинган.
Мазкур шошилинч тез тиббий ёрдам станцияси 1 кунда 300-350 нафар беморнинг чақириқларига жавоб бериш қувватига эга.
Изоҳ (0)