Россия Федерацияси президенти Владимир Путин Тожикистон президенти Эмомали Раҳмонни Россия билан ҳамкорликка қўшган ҳиссаси учун мукофотлади, дея хабар қилди «РБК».
Президент Владимир Путин Тожикистон раҳбари Эмомали Раҳмонни III даражали «Ватан олдидаги хизматлари учун» ордени билан мукофотлади, бу ҳақдаги тегишли фармон Россия ҳуқуқий ахборот порталида эълон қилинган.
«Россия Федерацияси ва Тожикистон Республикаси ўртасидаги стратегик шериклик ва иттифоқчилик муносабатларини мустаҳкамлаш, шунингдек, минтақавий барқарорлик ва хавфсизликни таъминлашга қўшган улкан шахсий ҳиссаси учун», — дейилади Россия президенти фармонида.
2017 йилда Путин худди шундай хизматлари учун Эмомали Раҳмонни Россиянинг яна бир мукофоти — Александр Невский ордени билан тақдирлаган эди.
Изоҳ (0)