Ғарб Россиянинг ядровий салоҳияти билан боғлиқ фаоллик аломатларини кўрмаяпти

Ғарб Россиянинг ядро қуролидан фойдаланиш борасидаги фаолиятида ўзгариш сезилмаётганини билдирди, деб хабар беради «Редакция».

«Биз шубҳали деб ҳисобланиши мумкин бўлган ҳеч қандай кўрсаткич ёки фаолиятни кўрмаяпмиз. Россия стратегик ядровий кучлари атрофидаги фаолият одатдагидан нарига ўтмайди», — дейилади манбада.

Аввалроқ НАТО альянс аъзоларини Россия Украина яқинида ядро синовлари ўтказиши мумкинлиги ҳақида огоҳлантирган эди.

АҚШ Миллий хавфсизлик маслаҳатчиси Жейк Салливан Вашингтон Москвани ядро қуролидан фойдаланса, аниқ «ҳалокатли оқибатлар» ҳақида огоҳлантиргани ҳақида айтган.

Марказий разведка бошқармасининг собиқ раҳбари ва истеъфодаги генерал Дэвид Петреуснинг айтишича, агар Россия ядро қуролидан фойдаланса, АҚШ ва унинг иттифоқчилари Украинадаги рус қўшинлари ва техникасини йўқ қилиши, шунингдек, Қора денгиз флотини чўктириб юбориши мумкин.