Деразалар қуёш нури, чанг ва ёмғир туфайли тезда ёмон кўринишга келиб қолади. Уларнинг бундай ҳолатига эса бекажонлар дош бера олмаслиги шубҳасиз. «Новий очаг» нашри деразаларни тўғри ювиш бўйича бир қанча кўрсатмалар билан бўлишди.
Тўғри вақтни танланг
Қуёш нурлари ойнага тушадиган вақтда деразаларни ювиш тавсия этилмайди. Ювилган дераза қуруқ мато билан артилмасидан олдин қуриши ва излар қолдириши мумкин.
Юзани тайёрланг
Деразани ювишдан аввал эскироқ чўтка ёрдамида юзага йиғилган чанг ва бошқа нарсаларни қириб туширишни унутмаслик лозим.
Қўлларни ҳимоя қилинг
Қўлларни ҳимоя қилиш учун резина қўлқопдан фойдаланиш тавсия этилади. Бу, айниқса, ёғочдан ясалган ромларни ювишда жуда зарур, чунки ёғоч эскириб, қўлга зирапчаси кириб кетиши мумкин.
Тозалаш эритмасини тайёрланг
Албатта, махсус ойна тозалаш воситаларидан фойдаланиш мумкин, аммо сирка ҳам борада самарали. Сирка иссиқ сув билан тенг қисмларда аралаштирилади ва бу эритма идишга қуйилиб, сепадиган восита ёрдамида деразаларни тозалаш мумкин.
Деразани намланг
Янги губка эритмага ботирилади. Деразаларни ювишдан аввал ундаги кир токча ва ромга оқмаслиги учун губка билан артиб олинади.
Ромларни ювинг
Деразалар ювилганидан сўнг ромлар оддий нам мато билан артиб олинади. Уларни кўпикли сувда тозалаш бироз кўп вақт олади. Шунингдек, кўпик яхши тозаланмаса, ўзидан кейин доғ қолдириши ҳам мумкин. Тозаланган ромлар иш якунида шунчаки қуруқ мато билан артиб чиқилади.
Изоҳ (0)