Жиноят ишлари бўйича туман суди раисига бажариш учун бир қатор вазифалар белгилаб берилган Халқ депутатлари Конимех туман кенгашининг қарори бекор қилинди. Бу ҳақда Судьялар олий кенгаши ахборот хизмати хабар бермоқда.
Нима бўлган эди?
Халқ депутатлари Конимех тумани кенгаши жорий йилнинг 5 август куни жиноят ишлари бўйича туман суди раисига бир қатор вазифалар юклатилган қарорни қабул қилган эди.
Қарорда суд раисига ОАВ билан ишлаш, мурожаатларни вақтида кўриб чиқиш, одил судловни таъминлаш каби бир қатор вазифалар кўрсатиб ўтилган.
Судьялар олий кенгаши мазкур қарор (хусусан, унинг 2-банди) суд ишларига аралашиш, судья дахлсизлигига таъсир ўтказиши эҳтимолини яққол юзага келтирган деб топган ва Бош прокуратурага тақдимнома киритган.
«Халқ депутатлари Конимех туман кенгашининг қарори ўрганилиб, уни бекор қилиш ҳақида прокуратура томонидан протест киритилди. Якунда протест қаноатлантирилиб, Халқ депутатлари Конимех (Навоий вилояти) туман кенгашининг юқорида қайд этилган қарори 2-банди бекор қилинди», — дейилади Судьялар олий кенгаши ахборотида.
«Судлар тўғрисида»ги қонуннинг 41-моддасида фуқаролик ишлари бўйича туманлараро, туман, шаҳар суди, жиноят ишлари бўйича туман, шаҳар суди, туманлараро, туман, шаҳар иқтисодий суди раиси суднинг фуқаролар ҳуқуқлари ва эркинликларини, шунингдек, юридик шахсларнинг ҳуқуқлари ва қонун билан қўриқланадиган манфаатларини суд орқали ҳимоя қилишни амалга оширишга доир фаолияти тўғрисида тегишли халқ депутатлари Кенгашига бир йилда камида бир марта ахборот тақдим этиши қайд этилган. Суд раисларининг ахбороти муҳокама этилмайди, балки маълумот учун қабул қилинади.
Мавзуга доир:
- «Ҳамма раҳбарлар қулоғига қуйиб олсин: суд фаолиятига аралашишга ҳеч кимнинг ҳақи йўқ» — Шавкат Мирзиёев инвестор ҳуқуқининг кафолати ҳақида
- «Судья босимларга қарши курашишда ўзи фаол бўлиши керак» — ҳуқуқшунос Саидали Мухторалиев билан суҳбат (видео)
- Олий суд: Суд ишига аралашган мансабдорлар ҳақида йил якунида президентга ахборот киритилади
Изоҳ (0)