Замонавий кир ювиш машиналари ҳар қандай турдаги матолардаги доғларни кетказишга ёрдам бериши мумкин. Бироқ яна бир муҳим масала бор, қандай кийимларни кир ювиш машинасида ювмаслик керак? «Новий очаг» нашри кир машинасида ювмаслик керак бўлган кийимлар ҳақида маълумот берди.
Юмшоқ ёстиқлар
Бўйиннинг эгри чизиғини ва бошнинг ҳолатини ўзида сақлаб қоладиган ёстиқларнинг фақат ёрлиғида кўрсатма мавжуд бўлса, кир ювиш машинасида ювиш мумкин. Акс ҳолда, уларнинг сифатига зарар етади ва бундан кейин янги ёстиқларни сотиб олишингиз керак бўлади.
Ёстиқларни қандай ювиш керак? Биринчидан, пломба сунъий ва гипоаллергеник бўлганлиги сабабли, улар бошқа ёстиқларга қараганда узоқроқ вақт тозалигини сақлаб қолади. Мутахассислар доғларни шунчаки қўл билан артишни тавсия қилади. Агар маҳсулот ёрлиғида «қўлда ювиш» режими бўлса, уни сув билан тўлдирилган ҳавзага ёки ҳаммомга ботиринг ва сувга гипоаллергеник, ҳидсиз суюқликни қўшинг. Кейин ёстиқни мулойимлик билан қоқиб ташлаб, шамол айланиб турадиган хонада қуритинг.
Уй ҳайвонларининг жуни бўлган кийимлар
Кийимдаги жунни қўл билан олиб ташлаш қийин бўлиши мумкин, бироқ агар уни кир ювиш машинасида ювсангиз, сифат янада ёмонлашиши мумкин. У кийимларга тенг равишда тарқалади, барабанга ёпишиб қолади ва шунингдек кир ювиш машинасининг фильтрини ёпиб қўйиши мумкин.
Жун ёпишиб қолган кийимларни қандай ювиш керак? Кир ювиш машинасига кийимларни солишдан олдин ундаги жунларни олиб ташланг. Бу ҳолатда ёпишқоқ ролик яхши самара беради, агар у бўлмаса, намланган резина қўлқоп ёрдамида жунларни олиб ташланг. Агар бу ҳолатдан кейин ҳам жун қолса, кийимни энг паст ҳароратда дазмоллашга ҳаракат қилинг. Сўнгра кийимларни ёрлиқда кўрсатилганидек ювинг.
Каштали ёки безакли кийимлар
Кир ювиш машинаси кийимлардаги заргарлик буюмларига зарар етказиши мумкин. Елимланган элементлари бор кийимларни кир ювиш машинасига солмаслик керак — улар барабан ёки фильтрга зарар етказиши мумкин. Элементлар бошқа нарсаларнинг тугмалари ёки фермуарларига ёпишиб қолиши мумкин.
Каштали ва безакли кийимларни қандай ювиш керак? Яхшиси, бундай кийимларни қўлда ювиш керак. Агар баъзи кийимларнинг ёрлиқларига «фақат кимёвий тозалаш мумкин» деб ёзилган бўлса, уни кимёвий тозалашга олиб боринг ва тозаловчилардан уни бошқа мато билан ўрашини сўранг.
Катта ҳажмга эга нарсалар
Одеялни кир ювиш машинасига жойлаштириш қийин бўлса, уни мажбурлаб солманг. Барабаннинг нормал айланиши ва доғлар ювилиши учун кийимларга жой керак. Бу ҳолатда кийимнинг сифатини ҳам, кир ювиш машинасини ҳам бузишингиз мумкин.
Катта ҳажмли нарсаларни қандай ювиш керак? Катта ҳажмли кир ювиш машинасини топинг. Бироқ яхшиси нарсаларни кийимларни кимёвий тозалашга олиб борган маъқул.
Бахмал, жун ва велвет матодан тикилган кийимлар
Нозик матолардан тикилган кийимлар кир ювиш машинасида ювилганда сифатини йўқотади: кийимда катишкалар, илгаклар ва ҳатто тешиклар пайдо бўлади.
Бу матодан тикилган кийимларни қандай ювиш керак? Агар кийимнинг сифати бузилмаслигига ишонсангиз, уларни қўл билан ювинг. Буни қуйидагича текшириш мумкин: кийимдаги кичик жойни намланг ва унинг устига оқ мато босинг. Агар мато доғ бўлса, бу кийимларни кимёвий тозалашга бериш керак.
Мавзуга доир:
Изоҳ (0)