Ёзги кийимлар кейинги йилга қадар янги кўринишини йўқотмаслиги учун уларни қандай қилиб тўғри сақлаш кераклигини билиш керак. Кийимларни тўғри сақлаш ва уларнинг янги кўринишини сақлаб қолишда қўлланиладиган бир қанча усуллар мавжуд. Lady Mail нашри шу ҳақда маълумот берди.
Кийимларни ажратиш
Барча ёзги кийимларни олишингиз ва уларни тоифаларга ажратишингиз керак: юбкалар, шимлар, шортилар, футболкалар, енгил кўйлаклар, кўйлаклар, нимчалар ва бошқалар.
Саралаш
Кийимлар орасидан куз ва қишда кийишингиз керак бўлган кийимларни танлашингиз керак. Футболкалар ва баъзи топлардан бутун йил давомида фойдаланиш мумкин. Келгуси мавсумларда кийилмайдиган кийимлар, пойабзал ва аксессуарларни ҳам алоҳида қилиб ажратиб олинг.
Услубингизга мос келмайдиган кийимларни олиб қўйинг
Киймайдиган кийимларингизни алоҳида қўйинг. Сифатини йўқотган, сизга кичик ёки катта бўлиб қолган, энди услубга мос келмайдиган кийимларни олиб қўйинг. Агар бу кийимлар ҳали ҳам яхши ҳолатда бўлса, уларни ювиш, сумкаларга солиб, муҳтож инсонларга бериш ёки қайта ишлаш мумкин.
Тозалаймиз
Кийимларни сақлаб қўйишдан олдин уларни ювиш ва камчилиги бор жойларига қараш керак. Буни ўзингиз қилмаслигингиз учун қуруқ тозалаш ёки ателье хизматларидан фойдаланишингиз мумкин. Тугмалар, фермуарлар, тикувлар, тешиклар ва доғлар мавжудлигига эътибор бериш ва барча камчиликларни бартараф этиш керак.
Тўғри сақлаш
Келгуси мавсумнинг бошида кийимларни топишни осонлаштириш учун уларни турлар бўйича сақлаган маъқул. Нарсалар тоза кўриниши ва камроқ жой эгаллаши учун вертикал сақлаш усулидан фойдаланишингиз мумкин. Ёзги нарсаларни топишни осонлаштириш учун органайзерлардан ҳам фойдаланиш мумкин. Кийимларни юқоригача тўлдирмаслик керак, кийимлар вентиляция қилиниши ва жуда тиқилинч жойлашмаслиги керак (акс ҳолда у деформацияланиши ва асл кўринишини йўқотиши мумкин). Органайзерларни шкафга, тўшак остига, кийиниш хонасига ёки шип остидаги токчаларга қўйиш мумкин.
Ёдда тутинг, ҳар бир кийим ва ҳар бир мато ўзига хос сақланиш усулига эга. Бироқ баъзи қоидалар ҳамма турдаги кийимларга мос келади. Кийимларни қуйидагича сақлаш керак:
- қоронғи, қуруқ ва яхши шамол айланадиган жойда сақлаш керак. Ҳар қандай ҳолатда кийимни тўғридан-тўғри қуёш нури остида ёки нам жойда қолдирмаслик керак;
- пакетларсиз. лАгар сиз нарсаларни полиэтенли пакетларга қўйсангиз, уларда сариқ доғлар пайдо бўлиши мумкин, доғларни кетказиш эса жуда қийин, бундан ташқари, бактериялар ифлос кийимларда пайдо бўлиб, ёқимсиз чириётган ҳидни келтириб чиқариши мумкин.
- бироқ, барча ёзги нарсаларни олиб қўйишга шошилманг. Ташқи кўринишингизда ёз ва кузги нарсаларни осонгина бирлаштира оласиз, замонавий кўринасиз ва ўртача ҳароратда ўзингизни қулай ҳис қиласиз.
Иссиқ колготкалар устидан калта юбкаларни кийсангиз бўлади ва образни иссиқ свитер ёки пальтолар билан бирлаштириш мумкин.
Тасмали кўйлаклар, комбинацияли сарафанлар иссиқ водолазкалар устидан кийилади.
Гулли нақшли макси-кўйлакларнинг ўзини ҳам кийиш мумкин, асосийси об-ҳавога исишини унутмаслик керак.
Кроп-топларни оқ кўйлак, пиджак, кардиганлар билан кийиш мумкин.
Мавзуга доир:
Изоҳ (0)