АҚШнинг Калифорния штатидаги Окленд шаҳрида уч нафар қуролли шахс мактаб кампусига қарата ўт очди, оқибатда 6 нафар вояга етган кишилар жароҳат олди, деб хабар бермоқда CBS.
Воқеа маҳаллий вақт билан соат 12:45 да (29 сентябрь, Тошкент вақти билан 00:45) юз берган. Гувоҳларнинг полицияга маълум қилишича, машинада номаълум шахслар мактаб кампусига келиб, ўқ узган ва кейин жўнаб кетган. Ҳодиса сабаб ўқувчилар эвакуация қилинган.
Шаҳар маъмуриятининг таъкидлашича, жабрланганлар касалхонага етказилган, улардан бири оғир тан жароҳати олган. Улар орасида ўқувчилар ҳам бўлиши мумкин, чунки кампусдаги мактабларда жумладан 16 ёшдан 21 ёшгача бўлган иммигрант болалар ўқийди, дея таъкидлади телеканал.
АҚШдаги мактабларда сўнгги марта оммавий отишма май ойида содир бўлган эди. Ҳодиса Техас штатининг Увалд шаҳрида юз берган. 22 киши ҳалок бўлган, улардан 19 нафари болалар эди. Ҳужумчининг ўзи, 18 ёшли Салвадор Рамос ҳам ҳалок бўлган.
Изоҳ (0)