AQSHning Kaliforniya shtatidagi Oklend shahrida uch nafar qurolli shaxs maktab kampusiga qarata o‘t ochdi, oqibatda 6 nafar voyaga yetgan kishilar jarohat oldi, deb xabar bermoqda CBS.
Voqea mahalliy vaqt bilan soat 12:45 da (29-sentabr, Toshkent vaqti bilan 00:45) yuz bergan. Guvohlarning politsiyaga ma’lum qilishicha, mashinada noma’lum shaxslar maktab kampusiga kelib, o‘q uzgan va keyin jo‘nab ketgan. Hodisa sabab o‘quvchilar evakuatsiya qilingan.
Shahar ma’muriyatining ta’kidlashicha, jabrlanganlar kasalxonaga yetkazilgan, ulardan biri og‘ir tan jarohati olgan. Ular orasida o‘quvchilar ham bo‘lishi mumkin, chunki kampusdagi maktablarda jumladan 16 yoshdan 21 yoshgacha bo‘lgan immigrant bolalar o‘qiydi, deya ta’kidladi telekanal.
AQSHdagi maktablarda so‘nggi marta ommaviy otishma may oyida sodir bo‘lgan edi. Hodisa Texas shtatining Uvald shahrida yuz bergan. 22 kishi halok bo‘lgan, ulardan 19 nafari bolalar edi. Hujumchining o‘zi, 18 yoshli Salvador Ramos ham halok bo‘lgan.
Izoh (0)