Бугун,

  • USD 11095.31
  • RUB 173.84
  • EUR 10772.44

Жўрабек Мирзамаҳмудов 2022 йил 29 сентябрь куни энергетика вазири лавозимига тасдиқланди. Бу ҳақда президент матбуот котиби хабар берди.

Фото: «Дарё»

Фото: «Дарё»

Қайд этилишича, президент фармони билан Жўрабек Турсунпўлатович Мирзамаҳмудов бош вазирнинг ёқилғи-энергетика ва кимё соҳаларини ривожлантириш бўйича ўринбосари — энергетика вазири лавозимига тасдиқланди.

Жўрабек Мирзамаҳмудов «бошқа ишга ўтгани сабаб» энергетика вазирининг биринчи ўринбосари лавозимидан 2020 йил 3 ноябрда озод этилганди.

Президентнинг 3 ноябрдаги бошқа қарори билан энергетика вазирининг биринчи ўринбосари ва «Ўзатом» агентлиги директори лавозимлари ажратилган. Жўрабек Мирзамаҳмудов 2018 йил июнидан «Ўзатом» агентлигини бошқариб келаётган эди. 2019 йилнинг февраль ойида «Ўзатом» раҳбари сифатида энергетика вазирининг биринчи ўринбосари лавозимига тайинланганди. «Gazeta.uz»нинг ёзишича, у «Ўзатом» агентлиги раҳбари лавозимини сақлаб қолган.

2020 йилнинг январь ойидан Мирзамаҳмудов «Ўзкимёсаноат» компаниясининг бошқаруви раиси вазифасини бажарувчи бўлиб фаолият олиб бораётган эди. Энди у ушбу лавозимга «вазифасини бажарувчи» қўшимчасисиз тасдиқланган.

Маълумот учун, Жўрабек Мирзамаҳмудов (1979 йилда туғилган) 2001 йилда «Умид» жамғармаси гранти асосида АҚШдаги Алабама университетини, 2005 йилда эса Тошкент кимё технологиялари институтини тамомлаган. Бунга қадар Вазирлар Маҳкамаси Ёқилғи-энергетика комплексини ривожлантириш ахборот-таҳлил департаменти мудири бўлиб ишлаган. «Ўзкимёсаноат» бошқаруви раисининг ўринбосари ва иқтисодиёт вазири ўринбосари лавозимларида фаолият кўрсатган. 2018 йил июнидан «Ўзатом» агентлигини бошқариб келган.

Раҳбарлик лавозими бўш турган вазирлик

Президент фармонига асосан 2022 йилнинг апрель ойида Алишер Султонов саломатлиги туфайли бошқа ишга ўтиши муносабати билан энергетика вазири лавозимидан озод этилган эди. Ўшанда энергетика вазири лавозимини ким эгаллаши ҳақида маълумот берилмаганди.

Ўзбекистонда энергетика соҳасидаги ягона давлат сиёсатини ўрнатувчи янги ваколатли орган — Энергетика вазирлиги 2019 йил февралида ташкил этилган. Вазирликка Ўзбекистон бош вазири ўринбосари Алишер Султонов раҳбар бўлган.

Изоҳ
Asosiy yangiliklar
Маҳаллий
Ўзбекистонда талабалар учун қишки таътил муддати белгиланди
Дунё
Рамзан Қодировни танқид қилган чеченистонлик блогер ўлдириб кетилди
Маҳаллий
Ўзбекистонда сўнгги суткада 153 кишида коронавирус аниқланди