Меркель Путиннинг ядровий таҳдидларини жиддий қабул қилишга чақирди
Россия президенти Владимир Путиннинг таҳдидларини жиддий қабул қилиш керак, деди Германиянинг собиқ канцлери Ангела Меркель Sueddeutsche Zeitung нашрига берган интервьюсида.
«Сўзларни жиддий қабул қилиш, уларни пўписа деб эътибордан четда қолдирмаслик керак — жиддий қабул қилиш ожизлик ёки муроса белгиси эмас, бу сиёсий донолик белгисидир», — деди собиқ канцлер.
Меркель Путиннинг ядровий қурол ҳақидаги сўзларини назарда тутаётганини таъкидлади.
21 сентябрь куни Путин ўз нутқида Ғарбни агрессив сиёсат ва «ядровий шантаж»да айблаган эди. У Россия ўз аҳолисини ҳимоя қилиш учун «ҳар қандай воситадан» фойдаланишини айтиб, «бу пўписа эмас»лигини таъкидлади.
22 сентябрь куни Россия Хавфсизлик Кенгаши раисининг ўринбосари Дмитрий Медведев ушбу ҳудудлар «Россияга қабул қилингач» улар Россия Қуролли Кучлари томонидан ҳимоя қилинишини, армия «ҳар қандай қуролдан, шу жумладан стратегик ядровий қуролдан» фойдаланиши мумкинлигини атди.
