Бугун,

  • USD 11095.31
  • RUB 173.84
  • EUR 10772.44

Кузда тетикликни йўқотмаслик, камроқ касал бўлиш ва хотира сусайиши ва паст концентрациядан шикоят қилмаслик учун овқатланиш режимига қандай таомларни киритиш керак? Бу ҳақда эндокринолог ва блогер Lady Mail нашри маълумот берди.

Жигар 

Жигарни доимий истеъмол қилиш хотирани, сезгирликни ва стрессга чидамлиликни оширади. Бунинг сабаби шундаки, у омега-3 нинг таъсирчан миқдорини, шунингдек, фосфор, кальций, калий ва магнийни ўз ичига олади.

Қовоқ

Қовоқ овқат ҳазм қилиш жараёнини яхшилайди ва ортиқча суюқликни олиб ташлайди. Шунингдек у бета-каротин ва толаларнинг кўп миқдорни ўзида мужассам этади.

Брюссель карамлари 

Брюссель карамлари қондаги шакар мидорини меъёрида туришига ёрдам беради. Унинг таркибида бир вақтнинг ўзида бир нечта мега-фойдали кислоталар (масалан, глюкарик ва алфа-липоик кислоталар), А витамини ва саратон, микробларга қарши таъсирга эга қимматли органик сулфорафан моддаси мавжуд.

Тарвуз турп

Тарвуз турпини мавсумий шамоллаш ва вирусли инфекциялар даврида истеъмол қилиш керак, чунки у вирусларга қарши таъсирга эга. Унинг таркибида ёд ва фосфор бор.

Фото: Ладй.маил

Фото: Ладй.маил

Ясмиқ

Ясмиқ қондаги шакар миқдорини пасайтиради ва таркибидаги темир туфайли гемоглобинни оширади. Бундан ташқари, у юрак ва қон томирларининг фаолиятини яхшилайди.

Скумбрия балиғи

Тезда чарчаётган бўлсангиз скумбрия балиғини истеъмол қилинг: у жуда кўп B12 витаминини ўз ичига олади. Бу витаминнинг етишмаслиги юқоридаги каби муаммоларга олиб келади. Бундан ташқари, унинг таркибида кўп миқдорда, бир хил фойдали омега-3 ёғ кислоталари бор.

Гўшт

Кузда қўзичоқ, бузоқ ва курка гўштини истеъмол қилган маъқул. Уларда етарли миқдорда протеин, аминокислоталар, фойдали ёғлар ва Б витаминлари мавжуд. Бу турдаги гўшт маҳсулотлари тез ва узоқ вақт давомида тўйинади.

Клюква

Бу мева хавфсиз суперфуд даражасига эга. У организмга инфекцияларга қарши курашишда ёрдам берадиган кўплаб танинларга эга. Бундан ташқари, клюква турли хил витаминлар (C, PP, K, B1, B2), органик кислоталар, флавоноидлар, пектинлар ва фитонсидлар каби ўсимлик бирикмаларининг манбаи (улар ҳатто табиий антибиотиклар деб ҳам аталади) ҳисобланади.

Сариёғ

Агар «кузда энергияни қаердан олиш керак» деган савол юзага келса, сариёғни овқатланиш режимига киритишдан бошланг (ва идеал тарзда муаммоингиз ҳақида шифокорга мурожаат қилинг). Сариёғли бутерброд — ошқозонни «алдайдиган» таом эмас, ушбу егулик танага A, D, E, PP, B2, B1 витаминлари, шунингдек, кўп фосфор, селен ва кальций етказиб беришни таъминлайди.

Тузланган карам

Тузланган карам кўп миқдорда C витамини ўз ичига олади, бу эса темирнинг яхшироқ сўрилишини таъминлайди. Шу билан бирга, тузланган карам — энг машҳур ва арзон ферментланган маҳсулот, у ичак микрофлорасини тартибга солади: «ёмон» бактериялар сонини камайтиради ва «яхши» бактериялар сонини оширади. Айтганча, ушбу маҳсулотлардаги рецептларда мавжуд бўлган шакардан қўрқмаслик керак. У фойдали бактерияларни бутунлай «ейди».

Мавзуга доир:

Изоҳ
Асосий янгиликлар
Кино
Роли сабаб томошабинлар танқиди ва ғазабига учраган машҳур актёр ва актрисалар (фото)
Маҳаллий
Ўзбекистонда 25 ноябрь куни 124 кишида коронавирус аниқланди
Дунё
Путиннинг аскарлар оналари билан учрашуви фейкми? Ушбу учрашувда аслида кимлар қатнашгани маълум бўлди