Самарқанднинг «Динамо» клуби бош мураббий Вадим Абрамовнинг янгиланган лицензиясини Ўзбекистон Профессионал футбол лигасига (ПФЛ) тақдим этди. Бу ҳақида ПФЛ матбуот хизмати маълум қилди.
ПФЛ «Динамо» бош мураббийи Вадим Абрамовнинг Про лицензиясининг вақти тугаганлиги сабабли Суперлиганинг 20-турига қадар янгиланган лицензиясини тақдим этиш учун вақт берганди. Самарқандликлар 2022 йил 26 сентябрда ушбу вазифани бажарди.
Аввалроқ Абрамов Самвел Бабаян ва Миржалол Қосимов Суперлига жамоалари сонини 16 тага етказиш бўйича таклифини қўллаб-қувватлагани, шундан сўнг мутахассис ва ПФЛ бош директори Диёр Имомхўжаев ўртасида тортишув юзага келгани хабар қилинганди.
Эслатиб ўтамиз, мураббий август ойи бошидан буён «Динамо»ни бошқариб келмоқда.
Изоҳ (0)