Англия терма жамоаси ЖЧ—2022 дан сўнг мураббийни алмаштириши мумкин.
The Telegraph нашрининг хабарига кўра, терма жамоа Қатарда қандай натижа кўрсатишидан қатъи назар Гарет Саутгейт ўз постини тарк этишга қарор қилган.
Англия футбол ассоциацияси (ФА) Саутгейт ўрнига англиялик мутахассис тайинлаш идеал ечим бўлади деб ҳисоблайди. Бироқ вариантлар йўқлиги боис ФА Маурисио Почеттино, Брендан Рожерс («Лестер») ва Стив Купер («Ноттингем Форест») номзодларини кўриб чиқиши мумкин.
Саутгейтнинг инглизлар билан шартномаси 2024 йил ёзига қадар мўлжалланган. Унинг маоши йилига тахминан 5 миллион фунтни ташкил этади.
Англия терма жамоаси B гуруҳида Эрон, АҚШ ва Уэльс билан бир гуруҳдан жой олган. Қатар мезбонлик қиладиган Жаҳон Чемпионати 20 ноябрдан 18 декабрга қадар бўлиб ўтиши мўлжалланган.
Изоҳ (0)