Май ойида фарзандли бўлган америкалик машҳур хонанда Рианна сўнгги беш йил ичида илк концертини мухлисларига тақдим этади. Хонанда бу ҳақда Instagram’даги саҳифасида маълум қилди.
Американинг энг бой аёлига айланган Рианна ўзининг ижтимоий тармоқдаги саҳифасида февраль ойида Аризона штатининг Глендейл шаҳрида бўлиб ўтадиган Super Bowl-2023 мусобақасида иштирок этишини тасдиқловчи Миллий Футбол Лигаси (NFL) футбол тўпини ушлаб турган қўлининг суратини жойлаштирди.
Рианна охирги марта 2018 йилнинг бошида «Грэмми» мукофотининг тақдирлаш маросимида иштирок этган ва унинг сўнгги — Аnti деб номланган, яккахон хонанда сифатидаги саккизинчи альбомининг премьераси 2016 йилнинг январь ойида бўлиб ўтган. Хонанда бу альбомни чиқаришидан олдин 3 та қўшиқни мухлисларига тақдим этган.
Мавзуга доир:
Изоҳ (0)