Голливуднинг 64 ёшли актёри Алек Болдуин ва унинг 38 ёшли рафиқаси Ҳилария қиз фарзандли бўлди. Актёр саккизинчи фарзандига Илария Каталина Ирена деб исм қўйди. Алек Болдуин чақалоғининг биринчи дақиқалари акс этган видеосини Instagram’даги саҳифасига жойлади.
«У шу ерда. Биз сизга ўзимизнинг кичик орзумизни таништирганимиздан жуда хурсандмиз», — деб ёзади актёр.
Жуфтлик 2012 йилдан бери еттинчи марта ота-она бўлди. Шундай қилиб, Илария Каталина Иренадан ташқари, актёрнинг бир ёшли Лусия, бир ярим ёшли Эдуардо, тўрт ёшли Ромео, беш ёшли Леонардо, етти ёшли Рафаэл ва саккиз ёшли Кармен исмли фарзандлари бор.
Болдуиннинг актриса Ким Бейсингер билан турмушидан катта қизи Ирландия ҳам бор.
Мавзуга доир:
- Америкалик актёр Алек Болдуин саккизинчи маротаба ота бўлади.
- «Форсаж» юлдузи Дуэйн Жонсон, Алек Болдуин билан боғлиқ фожиадан кейин суратга олиш жараёнида ҳақиқий қуролдан фойдаланмасликка қарор қилди.
- «У менинг дўстим эди». Алек Болдуин суратга олиш майдончасидаги эҳтиётсизлиги сабаб содир бўлган фожиа юзасидан изоҳ берди.
- Дональд Трампнинг ўғли суратга олиш майдончасидаги фожиадан кейин «Қурол одамларни ўлдирмайди, уларни Алек Болдуин ўлдиради» ёзуви туширилган кийимларни сотувга чиқарди.
Изоҳ (0)