Бугун,

  • USD 11095.31
  • RUB 173.84
  • EUR 10772.44

Россиянинг Ижевск шаҳридаги мактабда юз берган отишма оқибатида ҳалок бўлганлар сони 17 кишига етди, шуларнинг 11 нафари — болалар. Бу ҳақда Удмуртия маъмурияти Тергов қўмитаси маълумотларига таяниб хабар берган.

Фото: AP Photo

Фото: AP Photo

Яраланган ўқувчи болалар ётқизилган касалхона бош шифокори Александр Шаклеин маълум қилишича, 16 боладан тўққиз нафари реанимацияда ётибди. Яна икки нафар катта ёшли жабрланувчилар ҳам реанимацияда.

Россия таркибига кирувчи Удмуртия республикаси пойтахти Ижевск шаҳрида жойлашган 88-мактабда 26 сентябрь куни эрталаб отишма содир этилди. Бир эркак мактаб биносига кириб олиб, икки қўриқчини ўлдирди, сўнг ўқитувчи ва ўқувчиларга қарата ўт очди. Охир-оқибат ўз жонига қасд қилди.

Ҳужум қилган шахс шу мактабни битириб кетган маҳаллий фуқаро, 1988 йилда туғилган Артём Казансев бўлиб чиқди. Унинг ёнидан жанговар ўқлар билан отишга мослаштирилган иккита травматик тўппонча топилди. У ўн йилдан буён «шизофрения» ташхиси билан психоневрологик диспансерда ҳисобда турган.

Ҳолат юзасидан жиноят ишлари қўзғатилди.

Кремль воқеани теракт деб атади. Удмуртияда ҳалок бўлганлар хотирасига 29 сентябрга қадар мотам эълон қилинди.

Россия мактабларида отишма уюштирилиши билан боғлиқ воқеаларнинг энг йирикларидан бири 2021 йилда Қозонда юз берганди.

2021 йил 11 майда 19 ёшли Илназ Галявиев ўзи битириб кетган 175-мактабга қонли ҳужум уюштирди. Йигит қурол олиб юриш рухсатномасига эга бўлган, мактаб ҳудудига ўқ-дорилар захираси билан кириб келган. Отишма оқибатида тўққиз нафар одам ҳалок бўлди, 23 киши жароҳатланди, яраланганларнинг аксар қисми болалар эди. Мактабга полициячилар етиб келганидан кейин Галявиев таслим бўлди ва уни ҳибсга олишди. Мерган қилган қонли жинояти учун қамалди.

Изоҳ
Асосий янгиликлар
Маҳаллий
Ўзбекистонда 175 кишининг паспортига IMEI кодлари ноқонуний рўйхатдан ўтказилгани аниқланди
Дунё
Пабло Эскобар буйруғи билан портлатилган Boeing, «Невский экспресс» поездидаги теракт ва совет ҳукуматига қарши бошланган Слуцк қўзғолони. Кун хронологиясида 27 но...
Маҳаллий
Уй-рўзғор ишлари аёлларнинг иқтисодий фаоллигини туширади: Ўзбек аёлининг мартабага эришиш имкониятлари таҳлил қилинди