Ўқишни Иқтисодиёт университетига кўчириб бериш эвазига фуқародан 3700 доллар олган шахс ушланди

Тошкент вилояти Бекобод туманида ўқишни кўчириб беришни ваъда қилган шахс ушланди. Бу ҳақда Иқтисодий жиноятларга қарши курашиш департаменти хабар қилди.

Қайд этилишича, Бош прокуратура ҳузуридаги департаментнинг Бекобод тумани бўлими томонидан ДХХ ходимлари билан ҳамкорликда тезкор тадбир ўтказилган. Унда фуқаро Ж.А. бошқа бир фуқаро Д.ни қўшни Тожикистондаги Хўжанд давлат университетидаги ўқишини танишлари ёрдамида Тошкент давлат иқтисодиёт университетига кўчириб бериш эвазига 3700 доллар олган вақтида ашёвий далиллар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.

Мавзуга доир:

• Бухорода фуқарони 3 минг доллар эвазига ўқишга киритиб қўйишни ваъда қилган шахс ушланди
• Тошкентда икки кишига хориждаги ОТМда ўқигани тўғрисида сохта ҳужжатлар тайёрлаб бермоқчи бўлган шахс ушланди
• Тошкент ва Андижон вилоятларида ОТМга ўқишга киритиш билан боғлик ноқонуний ҳолатларга чек қўйилди