Украинага Британиянинг янги қуроллари, жумладан, MLRS ракеталари етказиб берилмоқда. Бу ҳақда Буюк Британия бош вазири Лиз Трасс БМТ Бош ассамблеяси йиғилишида сўзлаган нутқида айтиб ўтди. У ҳозирги ҳал қилувчи лаҳзаларда «керак бўлса Украинага ҳарбий ёрдамни оширамиз», деб ваъда берди.
«Мен бу ерда нутқ сўзлаётган вақтим Украинага Британиянинг янги қуроллари, жумладан, MLRS ракеталари етказиб берилмоқда. Биз Украина ғалаба қозонмагунча тинчимаймиз», — деб таъкидлади Трасс.
Унинг сўзларига кўра, бугун Россия Украинада «одамларни ўлдириш, майиб қилиш» учун қурол ишлатмоқда.
Трасс Россия президенти Владимир Путиннинг ҳаракатларини кескин танқид қилди.
«Путин ўз муваффақиятсизликларини қандай оқламоқчи бўлганини кўрдик, у асосан захирадагиларни ажал домига жўнатиб, саъй-ҳаракатларини икки баравар оширди», — деди Трасс Россияда қисман мобилизация эълон қилинганига ишора қилиб.
Унинг сўзларига кўра, Путин «сохта баёнотлар бериб, қурол билан пўписа қилмоқда, аммо бу иш бермаяпти».
«Халқаро Иттифоқ ҳам, Украина ҳам кучли. Украиналиклар нафақат ўз мамлакатини, балки бизнинг қадриятларимиз ва бутун дунё хавфсизлигини ҳимоя қилмоқда», — деб таъкидлади Трасс ҳамда шунинг учун жаҳон ҳамжамияти фаол ҳаракат қилиши зарурлигини қўшимча қилди.
Изоҳ (0)