Украина президенти Владимир Зеленский Бирлашган Миллатлар Ташкилоти Бош Ассамблеясидаги видео нутқи чоғида Украина томонидан ишлаб чиқилган беш бандли «тинчлик формуласи»нинг таркибий қисмларини санаб ўтди.
У дастлабки тўртта бандни Россияни санкциялар, изоляция ва махсус трибунал орқали жазолаш, Киевга молиявий ва ҳарбий ёрдам кўрсатиш орқали украиналикларнинг ҳаётини ҳимоя қилиш, мамлакат ҳудудий яхлитлигини тиклаш ҳамда хавфсизлик кафолатларига риоя қилиш деб атади.
«Бешинчи банд — дунёнинг Украина атрофида бирлашишдаги жасорати», — деб таъкидлади Зеленский.
Украина президенти Россия билан тинчлик келишувлари бўйича Украина томонидан таклиф этилмаган ҳар қандай вариант рад этилишини айтди.
Шу билан бирга, Зеленский Украина бетараф мақомда қолмаслигини, чунки Европа Иттифоқи ва НАТОга аъзо бўлиш истаги Украина конституциясида мустаҳкамланганини таъкидлади.
Изоҳ (0)