Шавкат Мирзиёев ва Қирғизистон президенти Садир Жапаровнинг 20 сентябрь куни телефон орқали мулоқоти бўлиб ўтди. Бу ҳақда президент матбуот хизмати маълум қилди.
Давлат раҳбарлари Қирғизистон–Тожикистон чегарасида яқинда юз берган фожиали воқеалар юзасидан фикр алмашди. Шавкат Мирзиёев қурбон бўлганларнинг оилалари ва яқинларига чуқур ҳамдардлик билдирди ҳамда вазиятнинг авж олишини тўхтатиш бўйича икки томонлама келишувларга эришилганини чин дилдан олқишлади.
Ўзбекистон ва Қирғизистон етакчилари Шанхай ҳамкорлик ташкилоти доирасида ўтказилган тадбирларнинг сермаҳсул якунларини муҳокама қилди. Устувор йўналишлардаги кооперация лойиҳалари бўйича келишувларни рўёбга чиқариш, шу жумладан, Хитой–Қирғизистон–Ўзбекистон темир йўлини қуриш лойиҳасини илгари суриш муҳимлиги алоҳида таъкидланди.
Бўлажак олий даражадаги, шу жумладан, минтақавий тузилмалар доирасидаги учрашувларга тайёргарликнинг бориши ҳам кўриб чиқилди.
Мавзуга доир: Шавкат Мирзиёев Эмомали Раҳмон билан тожик-қирғиз чегарасидаги вазият бўйича гаплашди
Изоҳ (0)