Тожикистон президенти Эмомали Раҳмон ва Шавкат Мирзиёев ўртасида 20 сентябрь куни телефон орқали мулоқот бўлиб ўтди. Бу ҳақда Тожикистон президенти матбуот хизмати хабар берди.
Суҳбат чоғида давлат раҳбарлари Самарқандда бўлиб ўтган Шанхай ҳамкорлик ташкилоти саммити якунларини муҳокама қилди. Эмомали Раҳмон ушбу муҳим ҳудудий тадбирнинг ташкилий жиҳатига ва мазмун-моҳиятига юксак баҳо берди. Тожикистон президенти Ўзбекистон президентига самимий қабул ва анъанавий меҳмондўстлик учун миннатдорлик билдирди. Шунингдек, давлат раҳбарларининг учрашуви якунлари бўйича қарор ва ҳужжатларнинг муҳим пакети қабул қилинганини қайд этди.
Шу билан бирга, Тожикистон президенти Ўзбекистон президентига тожик-қирғиз чегарасидаги вазиятнинг сўнгги ўзгаришлари ҳақида ҳам маълумот берди. Томонлар стратегик шериклик ва иттифоқчилик доирасидаги дўстлик, яхши қўшничилик ва ўзаро манфаатли ҳамкорликка оид айрим долзарб масалаларни ҳам муҳокама қилди.
Мавзуга доир:
Изоҳ (0)