Ўзбекистонда 2022/2023-ўқув йилида 15 мингга яқин абитуриент давлат гранти устуворлигидан фойдаланган ҳолда давлат гранти асосида талабаликка тавсия этилди. Бу ҳақда Давлат тест маркази хабар қилди.
Қайд этилишича, жорий йилда 39 962 нафар абитуриент давлат гранти асосида талабаликка тавсия этилган бўлиб, уларнинг 30 253 нафари умумий қабул параметрлари доирасида ўқишга қабул қилинган.
Шундан 14 746 нафар (48,7 фоизи) абитуриент «Давлат гранти» устуворлигини танлаган ҳолда иккинчи-бешинчи таълим йўналишига давлат гранти асосида талабаликка тавсия этилган.
«Агар давлат гранти устуворлиги бўлмаганида мазкур абитуриентларнинг аксарият қисми биринчи таълим йўналишига тўлов-контракт асосида талабаликка тавсия этилган бўлар эди», — дейилади хабарда.
Изоҳ (0)