Сурхондарё вилояти Бойсун туманидаги «Дарбанд» ЙПХ масканида истеъмолга яроқсиз гўшт ортилган Cobalt тўхтатиб қолинди. Бу ҳақда вилоят ИИБ матбуот хизмати хабар берди.
Маълум қилинишича, вилоят ИИБ Жамоат хавфсизлиги хизмати Жамоат тартибини сақлаш бошқармаси Карантин тадбирларини таъминлаш бўлинмаси ходимлари ва вилоят Ветеринария ва чорвачиликни ривожлантириш бошқармаси ходимлари билан ҳамкорликда ушбу ЙПХ масканида рейд тадбирлари ўтказилган.
Рейд давомида Денов—Тошкент йўналишида ҳаракатланиб келаётган, Денов туманида яшовчи фуқаро бошқарувидаги Cobalt тўхтатилиб, унинг юкхонаси текширилганида, жами 182 килограмм йирик шохли мол гўшти ҳеч қандай ветеринария ҳужжатларисиз Тошкент шаҳрига сотиш учун олиб кетилаётгани аниқланган.
Ушбу гўшт маҳсулотлари Бойсун туман ветеринария бўлими томонидан лаборатория текширувидан ўтказилганида истеъмолга яроқсизлиги аниқланиб, Термиз ҳайвонот боғига топширилди.
Ҳайдовчига нисбатан Маъмурий жавобгарлик тўғрисидаги кодекснинг 109-моддаси (ветеринария, ветеринария-санитария қоидалари ва нормаларини бузиш) билан маъмурий баённома расмийлаштирилган.
Изоҳ (0)