Сенатда Вазирлар Маҳкамасининг давлат бюджетининг 2022 йил биринчи ярим йиллик якунлари бўйича ижроси тўғрисидаги ҳисоботи муҳокамаси жараёнида соғлиқни сақлаш соҳасига етарли маблағ ажратилмаётгани қайд этилди.
Ҳозирда ажратилаётган маблағ эҳтиёжнинг 10 фоизини қамраб оляпти.
Бу рақамларнинг ҳаммаси таҳлил қилинган, текширилган, аниқлаштирилган. Рақамларни қаердан олдингиз, дейиш умуман мумкин эмас. Аввалги ялпи мажлисда айрим рақамлар нотўғри, деб айтилди. Рақамлар қанчалик тўғри эканини кейин асослаб бердик. Масала чақалоқлар ва оналар ўлимининг олдини олиш билан боғлиқ бўлганда бу борада ажратиладиган маблағ учун ҳеч қанақа эътироз бўлмаслиги керак. Иқтисод қилинган маблағлар бўлса ҳам бу соҳага йўналтириш керак, — деди Сенат раиси.Сенатда оналар ва болалар саломатлиги нуқтаи назардан алоҳида ишчи гуруҳ тузилади.
Сенат йигирма саккизинчи ялпи мажлисида давлат бюджети ижроси кўриб чиқилаётганда ҳисоботлар шаклини такомиллаштириш масаласи кўтарилган. Лекин ҳозиргача ўзгариш йўқ. Ҳисоботда давлат активларини сотишдан тушган тушумлар, солиқ тушумлари ёки боқиманда қарздорлик масалалари, солиқ имтиёзлари, ортиқча тўланган солиқ суммалари батафсил очиб берилмаган.
Бундан ташқари, молиявий назорат тадбирлари бўйича ҳам маълумотлар йўқ. Қолаверса, ажратилаётган маблағларни назорат қилиш — Молия вазирлигининг вазифаси. Бироқ бу борада сусткашликка йўл қўйилган.
Очиқ бюджет шаклланаётгани одамларнинг фаоллигини кескин оширди. Одамлар қанчадан қанча таклифларини билдириб, давлат бюджетидан самарали фойдаланиш йўлга қўйиляпти. Шунинг учун ҳисоботлар ҳам очиқ, шаффоф бўлиши керак. Аҳоли маблағ қаерга кетаётганини билиши керак, — деди Сенат раиси.
Изоҳ (0)