«Буюк ипак йўли»… Қум барханларда узун излар қодирганча уфққа томон интилиб бораётган карвонлар, адоқсиз чўлу биёбонларда йўлчиларга маёқ ва бошпана бўлган карвонсаройлар, узоқ сафар заҳматидан қўрқмай йўлга отланган, кўкдаги юлдузларга қараб юрар йўлини тополган жасур сайёҳлар.
«Буюк ипак йўли» Самарқанд туризм маркази бунёд этилиши билан бу қадимий кент ҳаётида янги давр бошланди, у бутун Марказий Осиё минтақасида ишбилармонлик, маданий, гастрономик ва тиббий туризмни ривожлантиришда катта салоҳиятга эга бўлган энг гўзал маскан мақомига эришди. Умумий ҳисоби қарийб 1200 та хонани ташкил этган саккизта замонавий меҳмонхоналар мажмуадаги энг асосий объектлар саналади. Уларнинг ҳар бири ўзига хос номга ва меъморий ечимга эгадир.
22-қаватли қилиб қурилган, 234 та хона ва икки президентлик ложасига эга бўлган беш юлдузли Samarkand Regency Amir Temur меҳмонхонаси буюк саркарда бобомиз Амир Темур номи билан аталган бўлиб, айни пайтда нуфузли LHW (The Leading Hotels of the World) ассоциациясига кирган Марказий Осиё ҳудудидаги ягона меҳмонхона ҳисобланади. Иккинчи беш юлдузли ва 22-қаватли Silk Road by Minyoun меҳмонхонаси номи эса «Буюк ипак йўли» шарафига қўйилган. Бу меҳмонхона, яна бир буюк аждодимиз – фалакиётшунос олим, давлат арбоби, Самарқанд ҳоқони Мирзо Улуғбек номи билан аталган тўрт юлдузли Stars of Ulughbek by Lia Minyoun меҳмонхонаси билан биргаликда Minyoun Hospitality меҳмонхоналар тармоғига киритилган, бу ўз ўрнида юқори даражадаги қулайлик ва сифатли хизматдан дарак беради. Savitsky Plaza номли тўрт юлдузли меҳмонхона Нукус санъат музейи ташкилотчиси ва директори, таниқли рассом, реставратор ва санъатшунос номини улуғлайди.
Мажмуанинг жанубий қисмида ўз ичига тўртта Wellness меҳмонхоналарни олган тибиий кластер жойлашган. Уларнинг ҳар бири тиббий профилактика, детоксация, бўғимлар ва умуртқани даволаш, шунингдек нафас олиш аъзолари касалликларини даволаш йўналишидаги муайян тибиий хизматларни кўрсатиш учун мослаштирилган. Бу ерга ташриф буюрувчи меҳмонларга тўлиқ тиббий кўрикдан ўтиш ва индивидуал санатор-даволаш ҳамда тананинг умумий қувватини оширишга қаратилган дастурлар таклиф этилади.
«Буюк ипак йўли» сайёҳлик маркази чиройига ярашиб турган «Боқий шаҳар» тарихий-этнографик мажмуаси шарқ меъморчилигининг барча ўзига хос этник анъаналарини ёрқин ифодаловчи платформа ҳисобланади. Шундоққина эшкак эшиш канали бўйида қад ростлаган «Абадий шаҳар» ўзбек миллий маданиятининг барча ранг-баранглиги, гўзаллиги ва анъаналарини ўзида мужассамлаштирган. Бу ерда Ўзбекистоннинг турли вилоятларидан келган ҳунармандлар, машҳур амалий санъат усталари ва рассомларнинг галерея ва устахоналари, миллий таомлар баайни маромига етказиб тайёрланадиган тамаддихоналар жойлашган.
«Буюк ипак йўли» мажмуаси таркибига киритилган барча меҳмонхоналар ўзига хос ва бетакрор бўлиб, уларнинг ҳар бири алоҳида дизайн ва кўринишга эга. Интерьер ва хоналарнинг дизайни замонавий тенденциялар асосида, пухта ишлаб чиқилган. Мебель, ёритгичлар, хона ичи жиҳозлари ва безаклари Италия, Австрия, БАА, Туркия давлатлари, шунингдек, МДҲнинг бутун дунёда нуфузли саналган ишлаб чиқарувчиларидан харид қилинган.
Муҳайё этилган ажойиб яшаш шароитларидан ташқари, меҳмонларнинг тотли таомлардан тановул қилишлари учун ҳам кенг имкониятлар яратилган. Меҳмонхоналарда турли халқларнинг миллий таомларини тайёрлаб тақдим этувчи бир нечта ресторанлар очилган бўлиб, улардаги беназир таомларнинг барчаси жаҳонга машҳур бўлган ошпазлар томонидан тайёрланади.
Меҳмонхоналар ва марказ тўлиқ ишга туширилгач, 1700 нафар киши доимий иш билан таъминланади, бу эса бандлик соҳасида ижобий натижа ҳисобланиб, маҳаллий ёш мутахассисларга бутун дунё бўйлаб беш юлдузли меҳмонхоналарни бошқариб келган хорижийлик менежерлар тажрибасини ўзлаштириш учун қулай имкон беради. Бу жиҳатлар мутаносибликда меҳмонхона иши жабҳасида мутлақо янги стандартни ва бенуқсонлик муҳитини яратади.
Хоналар, заллар, ресторанлар ва СПА ҳудудларининг интерьери саёҳат ва қадимий карвон йўллари, саҳрода пайдо бўлган саройлар ва чўлдаги жилвагар сароблар, буюк тарихий босқичлар руҳи билан бойитилган. Меҳмонлар бу масканларда турли маданиятлар уйғунлиги, бетакрор карвонсарой муҳитини ҳис этган ҳолда, илтифотли ходимларнинг аъло даражадаги хизматларидан фойдаланишлари ҳамда шарқона лутф ва меҳмондўстлик шодиёнасига ошно бўлишлари шубҳасиз. Бу кўнгилли ва ёқимли таассуротлар сайёҳлар қалбини гўзал ва бетакрор Самарқандга талпинтириб, қайта-қайта ташрифга ундаб туради.
Янада кўпроқ фотосуратлар бу ерда: https://drive.google.com/drive
Маълумотлар шериклик ҳуқуқи асосида тайёрланди
Изоҳ (0)