Фарғона ҳокими қарори билан Обиджонов Баҳромжон Анваржонович вилоят ҳокимлиги муассислигида янги ташкил этилган «Янги Фарғона» газетаси таҳририяти бош муҳаррири этиб тайинланди. Бу ҳақда «Дарё» мухбири хабар берди.
Маълум бўлишича, ушбу тайинлов 12 сентябрь куни бўлиб ўтган вилоят ҳокимлиги ижроия аппарати йиғилишида эълон қилинган.
Ўзбекистон халқ шоири Анвар Обиджоннинг ўғли Баҳромжон Обиджонов 1970 йил 4 октябрда Олтиариқ туманида туғилган. 1993 йилда Тошкент давлат университетини журналистика факультетини тамомлаган.
2010—2015 йилларда Фарғона вилояти ҳокимлигининг «Фарғона ҳақиқати — Ферганская правда» газеталари бош муҳаррири лавозимида ишлаган. 2015—2020 йилларда Олий Мажлис Қонунчилик палатаси депутати бўлган. 2020 йилдан буён Ўзбекистон МТРК Фарғона вилояти телерадиокомпанияси директори бўлиб ишлаб келаётганди.
Маълумот учун, «Янги Фарғона» газетаси Фарғона вилояти ҳокимининг 2022 йил 25 августдаги қарори билан ташкил этилган.
Изоҳ (0)