Фарғона вилояти ҳокими Хайрулло Бозоров бошчилигидаги делегация икки кунлик амалий сафар билан Тожикистоннинг Сўғд вилоятида бўлиб қайтди. Бу ҳақда «Дарё» мухбири Азизжон Эрматов хабар бермоқда.
Қайд этилишича, сафар давомида Хўжанд шаҳрида Фарғона маданият кунлари ўтказилган.
Шунингдек, Қувасой шаҳрининг «Цементчи» жамоаси ва Тожикистон олий лигаси пешқадамларидан «Хўжанд» футбол клуби ўртасида ўртоқлик учрашуви бўлиб ўтган.
Хўжанд марказий ўйингоҳида бўлиб ўтган учрашувда иштирок этган Хайрулло Бозоров ва Сўғд вилояти раиси Ражаббой Аҳмадзода майдон марказида тўпни ўйинга киритиб, учрашувни бошлаб берган.
Томошабинлар билан тўла ўйингоҳда 60 дақиқа давом этган учрашув 1:1 ҳисобида дўстона дуранг билан якунланган.
Изоҳ (0)